El Destin de Giuseppe Veraldi

El Destin de Giuseppe Veraldi

Giuseppe Veraldi lu el ze nassesto ´ntel 1854 ntel comune de San Bonifacio, in provìnsia de Verona. La so infansa la ze stà segnata dal lavor duro a fianco del pare, un pìcolo agricultor che faticava par tirar fora el sostegno da ‘sta tera massacrata da tasse e racolte poche sicure. 

Con i ani, Giuseppe el capì che l’Itàlia no ghe dava un futuro digno. Cussì, ´ntel 1875, a ventun’ani, el se imbarcò in un navio par el Brasil, in serca de la prosperità che tanti compaesani i diseva de catar intel Novo Mondo.

El porto de Santos el lo ga recevesto con un misto de promesse e dificoltà. La sità la brulicava de emigranti, sognatori e oportunisti. Al prinssìpio, Giuseppe el trovò lavor a Campinas, intel interno de São Paulo, ndove el passò ani a faticar con la tera e la piantassion de cafè. No ghe volse tanto par capir che la vera richessa no stava sol ntel lavor de le man, ma ne la capacità de organizarse e investir.

Con un poco de risparmi, ntel 1884 el se spostò a Jundiaí, ndove el montò ´na casa de comèrssio. El comèrssio, al contràrio de l’agricultura, ghe dava pì control sui guadagni e meno dependénsia da le intempèrie. Con la so vision, Giuseppe el largò i so afari oltre la vendita semplice de prodoti: el creò ‘na impresa ciamà Fazenda Verona, che forniva tera, strumenti e crèdito a quei italiani che rivava sensa niente oltre la speransa. I coloni i pagava con parte de la so racolta, e Giuseppe, che el gaveva òcio a le oportunità, ghe tirava anca ‘na parte par l’uso de la tera.

La fama de la Fazenda Verona la cresseva in pressa. El stesso governo paulista, che el voleva aumentar la colonisassion de la regione, el vardava de bon òci l’inisiativa de Veraldi. Fin i indigeni de la zona, che prima i gaveva sospeto de ‘sti foresti, i ze stà inclusi ´ntel sistema. Faticando a fianco de i taliani, i impara nove tècniche agrìcole e lu i ga diventà parte de la catena produtiva che la trasformò Jundiaí in un polo agrìcolo de rissonansa.

Ntel 1889, ormai omo rico, Giuseppe el comprò ‘na "tera" de 22.000 etari a São Carlos, ciamandola Fazenda Coqueiro. Insieme, la Fazenda Verona e la Fazenda Coqueiro ghe garantiva un stock anual de 30.000 tonelà de gran, tanto che la stampa la lo ribatesò “Il Re del Grano”.

Ma Giuseppe no el ze mai stà sol un comerssiante àvido. El se ricordava ben le fadighe de la so infansia e la mancansa de oportunità in Itàlia. Par ‘sto motivo, el ga finanssià la costrussion de scole, ospisi e ospitài ´nte le so proprietà, assegurando che tanto i coloni che i indigeni i podesse aver ‘na vita pì degna.

Quando la Prima Guera Mondial la ga devastà l’Europa, Giuseppe no el ga esità a mandar navi cargà de sereai in Itàlia, aiutando la so tera natia in tempi de grande misèria. El governo italian el lo onorò, conferendoghe el tìtolo de Comendatore de la Fazenda Coqueiro.

El morì nel 1935, tornando ´nte la tera che lo gaveva visto nasser, ma che no ghe gaveva regalà oportunità. Ma el so nome el restò inciso ´ntela stòria de l’interno paulista, no sol come un magnate del gran, ma come un omo che el ga savesto transformar le fadighe in prosperità, par lu e par tanti altri.

Nota de autor

Sta stòria, "El Destin de Giuseppe Veraldi", la ze un omaio ai tanti emigranti italiani, che tra fine ‘800 e prinssìpio del ‘900, i se ga imbarcà su navi de speransa, lassando drìo paesi, famèie e radise, par catar ´na vita mèio al de là del mar. Ghemo volù contar no solo el dolor e le sfide che lori i ga dovù afrontar, ma anca la forsa del spìrito e la capassità de superar ogni disgràssia, anca le pì pesanti.

Giuseppe Veraldi el ze un personaio inventà, ma la so stòria la ze ispirà a miliaia de vèrite, quele de chi ga vivesto sta traversia. Par noaltri, el Véneto el ze pien de memòrie de sta emigrassion: i vèci conti, le lètare scartolà dai casseti e anca le foto in bianco e nero che parlan de vite tràgiche e soniadore.

No ze solo un raconto, ma un omaio al coraio de chi, malgrado tuto, el ga ciapà su e el ze ´ndà a sercar fortuna in tera lontane. Che ‘sta stòria la sia un ricordo de quela eredità, par noaltri e par chi vien dopo.

Con tuti i rispeti e la passione,

L’Autor

Tra Sòni e Fadighe: El Viàio de la Famèia Bianchi

 

Tra Sòni e Fadighe: El Viàio de la Famèia Bianchi

Era el ano 1885, e la picina vila de Enna, su par le montagne de la Sicìlia, vivia zornade difìssei. La seca no dava trègoa e la povartà no lassava altra s-cielta par tanti. Giuseppe Bianchi, un zòvane contadin de 34 ani, passava le note sensa dormir pensando al futuro de la so famèia. La so mòier, Rosa, de 30 ani, curava i tre fiòi: Maria, na piciòla vivasse de 7 ani; Pietro, un toset forte de 12 ani; e la piciòla Sofia, de sol 8 mesi, che gnanca gavea mai senti el gusto del late di muca.

Un pomerìgio de primavera ze rivà na notìssia par la vila: "In Brasile ghe ze tera gratis e laoro par tuti." La notìssia pareva impossibile. Far tuto quel viàio su el mar? Andrà in un posto ndove no se savea gnente? Giuseppe gavea dubi, ma Rosa, tenendo Sofia in brasso, la dise: "No gavemo pì gnente da perder qua. Démo na oportunitàa ai nostri fiòi."

Vendendo le so do cavre e con qualche fiorin che gavea messo via, i ga comprà i biglieti de terza classe sul vapor La Speransa, che partiva da Palermo verso el Brasile. El adio è stà doloroso. Lori i ga lassà i genitori vèci de Giuseppe e la casa dove gavea fato tanti memorie. Al porto, un mùchio de emigranti disperà se radunava, con le so valise poverete e i òci pien de speransa e paura.

Su el vapor, no ghe zera spasso, e l'odor del mar se mescolava con el sudor de centinàia de famèie. Rosa fasea de tuto par tegner i fiòi sani, ma Sofia, la piciota la ga scominssià a indebolirse. La aqua dolse la zera scarsa e la magnar la zera poca. Giuseppe, malgrado la fadiga, divideva quel poco che gavea con altri passegieri. "In Brasile, tuto sarà diverso", disea, pì par convinserse che par tranquilisar i altri.

Dopo 45 zornade de viàio, finalmente lori i ga visto el porto de Santos. Le palme e el forte calor tropical ùmido i zera na sensassion strana par chi vegniva dai monti con tanto vento de la Sicilia. Ma la consolassion de rivar in tera presto la è stà sostituida da la dura realtà. Dopo un viàio molto longo e stracoso in carete e a piè, lori i ze rivà a na fasenda de cafè vicin a Taubaté, ´ntel interior de San Paolo.

Su la fasenda, lori i ze stai ricevudi dal fator, che i ga portà in na pìcola casa de legno e fango. "Adesso qua ze casa vostra", el disea, con un acento portoghese forte. La casa la zera povereta, ma almeno gavea un teto. Giuseppe e Rosa i ga lavorà duro su le piantagioni de cafè, dessoto un sol che brusava e in condissioni pesanti. Pietro dava na man con i lavori più legeri, mentre Maria curava Sofia e metea ordine in casa.

I primi mesi i zera stà duri. El cafè pareva na maledission e na benedission. Nonostante el lavoro senza fin, i Bianchi lori i ga scominssià a refar la so vita. Giuseppe, con el talento par la agricoltura, presto el ga guadagnà la fiducia del paron de la fasenda e el ga messo su orti par la subsistensa de la famèia. Rosa, con le so man d'oro, la faseva vestiti e pan, cambiando con altri viveri con le famèie vissine.

Con el tempo, quel che zera solo fadiga è diventà speransa. Pietro ga imparà a léser con un missionàrio che passava par la zona, e Maria sperava de diventà maestra un zorno. Sofia, che tanti gavea paura che no sopravivesse al viàio, la è diventà forte e sana, giocando fra i café.

Dieci ani dopo, i Bianchi gavea messo da parte abastansa par comprar un pìcolo peso de tera ´tela vila pròssima a la fasenda. Giuseppe el ga costruì na casa pì granda con lo aiuto de altri coloni, e Rosa la ga piantà diverse ortàgie che presto gavea dà fruti. Guardando i campi verdi del interior paulista, Giuseppe el ga mormorà a Rosa: "Ze stà la miglior sielta che gavemo fa. Adesso i nostri fiòi lori i gavè un futuro."

La stòria de la famèia Bianchi la ze solo na fra tante de la saga de i migranti italiani che i ga trasformà el Brasile con el so laoro duro e la so forsa. Nel cor de ogni café piantà e racolto, ghe zera un sònio che ga traversà el mar e che ga vinto le adversità.