Riassunto de l'Emigrassion dei Vèneti nel Sud del Brasile
"E ghe fè un altro Veneto in Rio Grande do Sul..."
Drento del 1876 e 1976, in un sècolo, i vèneti I ga emigrà pì de quatro milioni de persone, sparsi par tute le parte del mondo. I vèneti i zera de gran lunga el grupo pì numeroso tra tuti i emigranti de l'Itàlia intera.
Lori i partiva con speransa in quei novi orisonti de vita, ma con un disgusto grando par dover lassar la tera natia, ndove i zera nati e cressù par tante generassion. Con el cor in man, i salutava amighi e parenti, tanti dei quali sertamente no i rivedea mai pì. Il bilieto el zera sensa ritorno. Drento de lori, i savea ben che 'ndava via par sempre. In Rio Grande do Sul, con la so forsa e determinassion, sti emigranti i scrisse na de le stòrie pì bele de coràio e glòria del Pópolo Véneto. Dove i zera stà sistemà, in meso a foreste vèrgine, ´ndove no ghe zera gnente, in pochi ani i fè nàsser sità e grandi indùstrie che, incòi, i ghe dise el novo Véneto da l’altra parte del mar. Milioni de descendenti de sti emigranti i vive incòi tra i tre stati del sud de Brasil, tenendo viva la lèngoa e la cultura véneta, memòria viva de i so antichi.
La grande emigrassion véneta la ze stà na vera epopea silenssiosa, che se vede incòi tanto ´ntei vasti campi de viti coltivà ´ntel sud del Brasil quanto nei deserti australiani, che lori i ga transformà in giardin. Grandi teritori i zera trasformà in pascoli e coltivà gràssie al laoro e a la perseveransa de quei emigranti, che i no gavea paura de fatigar. Sti vèneti ghe dà un importante contributo económico e culturae a quei paesi ndove lori i se ga fermà. Tuto sto progresso el ze stà possibile gràssie a la forsa e a la perseveransa de un pòpolo acostumà a sècoli de sacrifissi e laori duri. I véneti ´ntel Brasil i ze diventà un sinónimo de laoro. Sia l’omo che la dona, dessendenti de véneti, na volta finìo el turno de fàbrica, lori i tornava casa par 'ndar avanti con qualche altro laor par guadagnar un tochetin in pì. Sti abitudini le dimostra l’ánima imprenditiva de i véneti, che sempre i ga sonià de èsser el so pròprio paron.
Sta forsa la ze stà messa a dura prova durante la traversada per l’oceano. Un viàio longo, spesso pì de trenta zornade, amassà in veci bastimenti de mercansia, mal adatà par portar persone. Tanti de sti bastimenti i zera veci e quasi pronti par l’abandono, ma i ze stà usà par sfrutar el "boom" de l'emigrassion e far far schei a armadori. Sovente i partiva stracarichi, superando de tanto la capacità, con le autorità che i se voltava el viso par no vardar. A bordo mancava igiene, aqua bona e da magnar. Con l’ària pesante e la cativa alimentassion, nasseva epidemie che ghe portava via i pì dèbole: veci e fiòi.
Finida la traversada del osseano, i ghe feva far quarentena a l’Isola de le Fiori, ´ntel Rio de Janeiro. Dopo, i ´ndava fin a São Paulo, Paranaguá o Porto Alegre. Da lì, con le pòvere robe che ghe restava, i partiva su barche fluvial e, dopo, in carose o anca a piè, drento a la foresta. Tra monti e fiumi, i ghe vedea àlbari che mai lori i gavea visto, e i ghe sentiva strili de bèstie selvadeghe che ghe dava paura.
Quando lori i ze rivava, ogni famèia ghe rissevea un toco de tera, speso grande 500.000 metri quadradi, ma lori i restava isolà un dai altri. In una pìcola radura, i costruiva un ricovero con tronchi e ramài. La foresta la zera sempre là, vicina, con i so rumori sconossiù.
Cussì el ze stà el princìpio de sta epopea de i vèneti ´ntel Rio Grande do Sul.
