La Roda e i Putéi Abandonà ´ntel Vèneto
El sècolo XIX el vien anca conossùo come el sècolo de i putéi abandonà. Con el nùmaro in contìnua crèssita de i abandoni, che in tuto el resto de l'Europa, sol in sto sècolo, rivava a milioni. Anca in Itàlia i ghe ga fato istitusioni par acolsserli, ciamài orfantrofi. Questi i ze za conossù da i sècoli pressedenti, ma i ga avù un gran aumento ´ntei abandoni pròpio drento sto sècolo.
I motìvi par cui i genitori i lassava via i fiòi i zera tanti, màssime le mare disisperà, speso anca lori lassà da l'omo dopo vegnù ingravidà:
I genitori no i podea riconosser el fiòlo parchè bastardo e podea rovinar l’onor de la famèia;
Con la povartà no ghe permetea ai genitori de dar ai fiòi na vita dignitosa;
El fiòlo no el zera del sesso desiderà;
El fiòlo el zera malà o gavea difeti fìsici;
La mare no podea darghe la teta;
El pare l’era rimaso védovo, per avere perso la dona dopo el parto.
I fiòi i vegnea lassà in sti orfantròfi, quasi sempre al scurir del dì, ai primi fiori de la matina, quando no zera tanta luse, par no végner visti o riconossù. Una bona parte de sti putéi i morìa soto ai primi mesi de vita, e par quei che rivava a sopraviver, con del tenpo i vegnea fora con diversi problemi de salute, sopratuto problemi de malnutrission.
El modo par cui i fiòi i rivà drento i orfantròfi o altre istituti acoliensa, come i conventi, i podéa végner trati in tre modi:
1- A traverso la ciamà Roda dei Abandonà;
2- Con i intermediàri, come infermere, levatrici, paroci;
3- Con la consegna direta a i responsàbili del orfantròfio
La Roda dei Abandonà la zera ‘na strutura cilìndrica grossa, incastrà ben sol màrmo del istituto, fata gnente che de legno. La podéa farse girar fassilmente intorno a ‘n asse vertical. La gavea do parti separàe e serràe par ‘na finestrela da ogni lato. Con ‘sta se fase girar, una parte restava de fora dal orfantròfio e l'altra rivava drento. Cusì, ghe permetea de metèr el neonato drento sensa végner visti dai de drento de la institussion, restando anònimi. Quando la se fase girar, la parte con el neonato passava drento al instituto, e là, con na finestrela, i responsàbili podea catar el neonato, darghe el primo socòrso e fàrghe el registro.
La Roda la zera sìmile al sistema de seguressa de certi condomini de incò, speciałmente ´nte le sità grande, par reséver le comande sensa dover vidar le porte al portador. El basta metèr la comanda drento la roda, farla girar e cusì el portinaro el la podarà catar de drento.
A i lati de la Roda, ghe gavea spesso un campanelo par far saver ai responsàbili de là drento che iera un neonato dentr’a Roda. E cusì, dopo pòchi minuti, el fiòlo el vegnìa catà. Èra fàcil da capìr vìsta la bora che fa in sti posti, specialmente in inverno, che l’è longo e fredo.
El fiòlo, quando vegnia messo drento la roda, con sèssi lo lassava l’usanza de lassarghe drento qualche segnal par un riconossimento futuro, come: medalete e figure de santi (che spesso vegnea messe metà), documenti vari, bilieti scriti a man (indove i spiegava se el neonato el zera zà batisà, el so nome), ´na frase scrita su ‘na carta o qualche segnal especial che podesse végner conossùo drento el tempo par catarse la verità. Anca le veste vegnéa descrìte ben e conservàe drento na cassa con un nùmaro de ordine. ‘Sti segnài messi drento la roda i vegnìa chiamài in Vèneto "Filo de Fede."
La secretaria del orfantròfio la fasea anotasioni pressisìssime e la tegnia un sistema de registri molto eficassi par quel tempo. Quando un neonato el zera rivà, el gavea un nùmaro de ingresso (el chiamà ato de ingresso), e do quando el oràrio in che ‘l vegnia stà lassà. El sesso del fiòlo vegnia anotà, quando dopo el vegnia batisà e gavea un nome par adossión, con el qual el rivarà a vegner conossùo a partìr de quel momento. Sto nome el zera seguio da un cognome falso, ma spesso de cantanti, compositori o altre personài importanti. La descrisión de le veste e i segnài o ogeti lassài con el neonato vegnìa anotài drento el libro de i registri, e i segnài vegnìa etichetài con el nùmaro de ordine del fiòlo o con el so nome adotivo e cusì serài drento scàtole speciàe.
‘Sti libri e scatòle con i segnài i restàva a disposissión de i genitori in caso i volèa tor el fiòlo drìo, anca dopo ani. Quando i vignìa par tor un fiòlo da l’orfantròfio, màssime se lassà drento la Roda, la mare o i genitori i portàva la metà mancante de la medaleta o de la figureta del santo lassà con el putéo.
‘Sti putéi i podéa végner dati ad altre famèie par adossion. Però, quando certi problemi, come la morte de la dona o perde de dinari, i novi genitori i tornava a lassàr el pìcolo fiòlo ´nte la cura del stato.
