I registri de matrimónio ´nte le paròchie catoliche de alcune sità i mostra la diversità de località de origine de i migranti. Tra el 1870 e el 1930, se ga documentà pì de 500 località diverse, mostrando che i taliani i portava con lori na rica diversità de tradission, costumi e dialeti regionai. Però, quando che lori i ga rivà ´ntel Brasil, lori no gavea ancora un senso forte de identità nassional. El contato con altre comunità de imigranti, come i alemani e i portoghesi, i ghe ga fato sentir parte de un grupo nasionae pì largo, lassando de se veder solo come calabresi, lombardi o véneti.
In Brasil, un altro aspeto che ga marcà l’esperiensa de i taliani la ze stà la persesion de apartener al grupo rassial de i “bianchi”. In Europa, el color de la pele gavea poca relevansa, ma, in sto contesto brasiliano, sta caracterìstica la ga scomenssià a èsser valorisà. Sto fato el ga contribuìo a far sì che i taliani i se distansiasse da le popolassion morete, specialmente da i ex-schiavi, che ancora i ga afrontà condissioni de vita pì difìssili.
Sta persession la ze stà, in un serto senso, incorporà ´ntel proieto de le élite brasiliane, che sercava un “sbiancamento” de la populassion con l’incoragiamento de l’imigrassion europea. Anca così, i taliani i ga trovà condision de laoro estremanente dure ´nte le piantassion de café, che spesso i comparava a la schiavitù. L’isolamento, la mancansa de servisi mèdici e le dificoltà de acesso a l’educassion i zera sfide de ogni dì. Le condission zera talmente gravi che, al inìssio del XX sècolo, el goerno taliano el ga sospeso el suporte económico a l’imigrassion verso el Brasil.
Con el tempo, i migranti i ga inissià a organisarse in assossiassion e club, inisialmente basà ´nte le region de origine. Con el sgradir de el fassismo in Itàlia, però, sti assossiassion i zera utilisà par promóver ideali fassisti, con maior influensa ´ntele aree rurai che ´nte le sità grandi. Con l’arivo de Getùlio Vargas al goerno, una ondata de nassionalismo la ga rinforsà l’assimilassion de i taliani ´nte la cultura brasiliana. Sto movimento el ze culminà durante la Seconda Guera Mondial, quando el Brasil el ga declarà guera a l’Itàlia, indebolendo el senso de identità italiana tra i dessendenti.
Solo ´nte le dècade del 1980 e del 1990 l’interesse par le origini taliane el ga inisià a tornar. Le famèie le ga sercà de riconetarse con le so radisi culturai e storiche. Sto ritorno a le tradission el ga segnà na nova fase nel prossesso de costrussion de l’identità ìtalobrasiliana, che, durante un sècolo, la ga passà par transformassion profonde e marcanti ´nte l’interior paulista.
