I Fasisti ´ntel Rio Grande do Sul
Intel Rio Grande do Sul, pì fortemente ´nte le zone coloniai taliane, tra el ani 1928 e 1942, ze nato un forte movimento polìtego legà al partìo fasista talian.
In quel perìodo, l’emigrassion de màssia de italiani zera già stada fortemente ridota par politiche contro l’emigrassion. I paesi che, a quel tempo, reciveva emigranti, i gavea fato lesi che rendea difìcil quel tipo de emigrassion de màssia che i gheva visto ´nte le dècade passade. Sta roba, incluso el Brasil, gavea preferensa par quei che gavea scola, i operai spessialisà e quei con na bona istrussion, come i professionisti lìbari.
Nte la Itàlia de quei ani, la ze ndada avanti l’emigrassion direta, ciamà anca tutelà, par el regime fasista talian, dove chi che i zera incentivà a migrar no el zera pì el poareto e analfabeto contadino, ma quei seleti trà i suportadori e simpatisanti de quel regime. Cussì, in pochi ani, na ondata de comercianti, maestri, dotori, infermieri, ingegneri e altri professionisti i ze stabilì legalmente ´ntel Brasil. Ze interessante che la maior parte de sti qua i rivava già con na bona quantità de sussidi, dotori con i so aparei moderni e schei sufisenti par stabilirse comodamente ´ntel Brasil.
I gavea orientassion de dirigirse ´nte le sità dove la presensa taliana la zera pì forte e el so laoro i zera tanto richiesto da la popolassion. Lori i ze stà destinà a tute le colonie de descendenti de imigranti italiani ´nte el Brasil, sopratuto ´nte le sità pì grosse dei stati de São Paulo e del Rio Grande do Sul, dove ghe zera gran prevalensa de italiani.
Qua ´nte el Rio Grande do Sul i se gà concentrà par de pì a Caxias do Sul, ma anca ´nte altre sità, ´nte el centro e el nord del stato, ´nte le vècie colónie taliane, parfìn inte le pì nuove verso Erechim.
Dando ‘na man inte diversi setori, i gavea da inserirse ràpido ´nte la società locale, organizando o partessipando ´ntei club e scole taliane, nela polìtega locale, con el scopo de difonder la filosofia fasista. Inte tute sti locài i ze ancora ramentadi da i pì veci, le marce, sfilate e feste organizade da sti società e scole de tendensa fasista. Se pol ancora trovar na gran quantità de foto de sto periodo ´ntei musei, le scole e especialmente ´ntele vàrie colession particolari. Le ze testimoni de la presensa dei fasci, i ciamai fasci, qua tra de noaltri.
Par chi che el vol savèr de pì su sto tema, tanto interessante ma ancora poco conossesto, ze consiglià el libro “Le Ombre del Littorio – El Fasismo ´nte el Rio Grande do Sul” de la scritrice Loraine Slomp Giron, publicà da la editora Parlenda, un vero tratado sul tema.
Dopo un laor de ricerca che certamente el ga volesto tanta passiensa, l’autora la ga presentà in maniera competente tute le vicende sucedide in quel perìodo.
El crescimento ràpido de sti movimenti el ze diventà motivo de preocupassion par le autorità brasiliane, che ga scomenssià a investigarlo. I novi decreti del goerno de Getúlio Vargas, con l’intento de stabilir un control su le soe atività, i ga fato che la magior parte de sti imigranti tutelà, in verità agenti scondesti del fasismo, i ga ciapà altre strade par coprir le soe partesipassion.
No gavea interesso né par lori né par le so famèie de svelar publicamente le so atività drento de sto movimento. No obstante, i so scriti, manifesti, discorsi, le atas dei club e delle scole, come anca i ritagli de giornai de quel perìodo e, sopratuto, la gran quantità de foto che ancora i ze restà, le ze qua par dimostrar de fato cossa che ze sussesso.
In quel perìodo, l’emigrassion de màssia de italiani zera già stada fortemente ridota par politiche contro l’emigrassion. I paesi che, a quel tempo, reciveva emigranti, i gavea fato lesi che rendea difìcil quel tipo de emigrassion de màssia che i gheva visto ´nte le dècade passade. Sta roba, incluso el Brasil, gavea preferensa par quei che gavea scola, i operai spessialisà e quei con na bona istrussion, come i professionisti lìbari.
Nte la Itàlia de quei ani, la ze ndada avanti l’emigrassion direta, ciamà anca tutelà, par el regime fasista talian, dove chi che i zera incentivà a migrar no el zera pì el poareto e analfabeto contadino, ma quei seleti trà i suportadori e simpatisanti de quel regime. Cussì, in pochi ani, na ondata de comercianti, maestri, dotori, infermieri, ingegneri e altri professionisti i ze stabilì legalmente ´ntel Brasil. Ze interessante che la maior parte de sti qua i rivava già con na bona quantità de sussidi, dotori con i so aparei moderni e schei sufisenti par stabilirse comodamente ´ntel Brasil.
I gavea orientassion de dirigirse ´nte le sità dove la presensa taliana la zera pì forte e el so laoro i zera tanto richiesto da la popolassion. Lori i ze stà destinà a tute le colonie de descendenti de imigranti italiani ´nte el Brasil, sopratuto ´nte le sità pì grosse dei stati de São Paulo e del Rio Grande do Sul, dove ghe zera gran prevalensa de italiani.
Qua ´nte el Rio Grande do Sul i se gà concentrà par de pì a Caxias do Sul, ma anca ´nte altre sità, ´nte el centro e el nord del stato, ´nte le vècie colónie taliane, parfìn inte le pì nuove verso Erechim.
Dando ‘na man inte diversi setori, i gavea da inserirse ràpido ´nte la società locale, organizando o partessipando ´ntei club e scole taliane, nela polìtega locale, con el scopo de difonder la filosofia fasista. Inte tute sti locài i ze ancora ramentadi da i pì veci, le marce, sfilate e feste organizade da sti società e scole de tendensa fasista. Se pol ancora trovar na gran quantità de foto de sto periodo ´ntei musei, le scole e especialmente ´ntele vàrie colession particolari. Le ze testimoni de la presensa dei fasci, i ciamai fasci, qua tra de noaltri.
Par chi che el vol savèr de pì su sto tema, tanto interessante ma ancora poco conossesto, ze consiglià el libro “Le Ombre del Littorio – El Fasismo ´nte el Rio Grande do Sul” de la scritrice Loraine Slomp Giron, publicà da la editora Parlenda, un vero tratado sul tema.
Dopo un laor de ricerca che certamente el ga volesto tanta passiensa, l’autora la ga presentà in maniera competente tute le vicende sucedide in quel perìodo.
El crescimento ràpido de sti movimenti el ze diventà motivo de preocupassion par le autorità brasiliane, che ga scomenssià a investigarlo. I novi decreti del goerno de Getúlio Vargas, con l’intento de stabilir un control su le soe atività, i ga fato che la magior parte de sti imigranti tutelà, in verità agenti scondesti del fasismo, i ga ciapà altre strade par coprir le soe partesipassion.
No gavea interesso né par lori né par le so famèie de svelar publicamente le so atività drento de sto movimento. No obstante, i so scriti, manifesti, discorsi, le atas dei club e delle scole, come anca i ritagli de giornai de quel perìodo e, sopratuto, la gran quantità de foto che ancora i ze restà, le ze qua par dimostrar de fato cossa che ze sussesso.
