El Longo Viaio de Rosa Ricciardi: Speransa in Tera Brasiliana

 

El Longo Viaio de Rosa Ricciardi: Speransa in Tera Brasiliana

El zera l´ano de 1910, quando Rosa Ricciardi, na tosa de 22 ani de na pìcola vila de Monferrato, in Itàlia, decise de imbarcarse par el Brasil con so fradel Piero. La promèssa de tere fèrtili e un futuro pròspero gaveva portà via miliaia de famèie italiane, e Rosa credeva che el sacrifìssio de la lontanansa saria stà compensà da la possibilità de un rescomìnsio. El viaio el zera longo e massacrante, ma i problemi i zera da scominsiar solo.

Quando i ze sbarcà al porto de Santos, Rosa e Piero i ze stà mandà a lavorar su le piantaioni de cafè ´nte na colónia al´ interno del stato de Sao Paulo, visino a na sità che se ciamava Campinas. Le condisioni de vita le zera dure: alogi precari, zornade longhe soto el sol che brusava e na comunicassion difìssil con la famèia in Itàlia. La nostalgia la ze vegnuda sùito, e Rosa trovava conforto scrivendo le lètare ai so genitori, contando la so vita e i so sentimenti.

In na de le so lètare, Rosa gaveva scrito:

"Cari genitori, ecome che scrivo sto peseto de carta poareto par rispondar a la vostra tanto aspetà lètara. Le vostre parole le me ga consolà tanto el cuore. Saver che tuti valtri state bene – ti, caro pare, ti, cara mare, le me sorèe Mariuccia e Angelina, i me zii, i me nevodini e anca la pìcola Gostina – me riempie de gioia. Ma, oh, come me mancate! Se pode imaginà che ogni matina stemo là ad aspetar el retrato che gavé promesso de mandarme. Anca se el ze solo na imagene su carta, sarà come vadarve dopo sent’ani de lontanansa, benché ze pasà solo sedese mesi."

Anca se gaveva na granda nostalgia, Rosa no podeva far a meno de riconòsser le pìcole vitòrie conquistà in tera brasiliana. Ogni mese, lei e Pietro i ze rivà a meter via un poco de schei. I sognava el zorno in cui i podaria comprarse un peseto de tera par conto suo e scominsiar na vita nova, lontan da le piantaioni dei paroni.

In na sera de piova, Rosa gaveva scrito un’altra lètara piena de emossion:

"Cari genitori, incòi scrivo con el core che pianse, ma anca pien de speransa. Piero lu el ga trovà un lavor come marangon in sità, e stemo zà metendo via schei par comprar na pìcola proprietà. Le dificoltà qua ze tante, ma la fede e la voia de miliorar ne sostien. Ghe ze zorni che piango de nostalgia, ma penso a le valtre parole e ai valtri volti, che un zorno spero de védar ancora, anca se solo in sogno."

Do ani dopo, Rosa e Piero i ze rivà a realisar el so sogno. Lori i ga comprà na pìcola casa con tera vissino a Caxias do Sul, su la Serra Gaúcha, ndove i ga scominsià a piantar viti e a far vin. La comunità italiana in quele parti la zera unida, e Rosa presto la ga trovà amissi che i ze deventà come na seconda famèia. La gaveva organisà festi tradizionai e condiviso le so ricete italiane, tegnendo vive le memòrie de la so tera natale.

Ani dopo, Rosa ga mandà na lètara in Itàlia contando la so nova vita:

"Cari genitori, scrivo adesso con na gioia che no riesco gnanca a contenir. La nostra tera la ga prosperà, e el vin che femo el ze zà conossesto in tuta la zona. Le dificoltà del prinssìpio le ze stà tante, ma me sento che tuti i sacrifìssi i ze stà ben spesi. Qua, su sto peseto de tera nostra, trovo la pace e la speransa che tanto sercavo. Pietro lu el se ga sposà, e anca mi spero, un zorno, de far la mia pròpia fameia. Preghiamo par che un zorno noaltri podemo ritrovar tuti insieme, qua o in Itàlia, ma intanto ve porto sempre ´ntel cor."

Rosa Ricciardi la ze deventà un sìmbolo de resiliensa e coràio ´ntel so paese. La so stòria, come quela de tanti altri emigranti taliani, la ze un ricordo del poder de la speransa e del lavor par costruir na vita mèio. Anca se la nostalgia la zera sempre presente, Rosa la ze rivà a trovar in Brasil no solo na nova casa, ma anca na rason par ndar avanti e costruir un futuro pien de possibilità. 

El Viàio de Travesìa dei Migranti Italiani

 

El Viàio de Travesia dei 

Migranti Italiani

A la fine del sécolo XIX, i vaporèti europei che i vegnia ´intel Brasil i se fermea principałmente ´nte i porti de Rio de Janeiro e Santos. Prima de el 1870, la travesia par le Americhe la zera fata in barche a vela e podea durar fin a 60 zòrni. Con l´arivo de la navigassion a vapor, sora la dècada de el 1890, sto tempo ´l zera stà ridòto a 20-30 zòrni. Tra le compagnie marìtime pi noti ghe zera La Veloce, Navigazione Generale Italiana, Ligure Brasiliana, Lavarello, Navigazione Italo-Brasiliana e Lloyd Italiano Royal Mail.

No stante le variassion de la època e grandessa, sti vaporèti lori i rivea a portar fin a più de 1200 passegièri par viàio, che rapresentea circa un terzo de pi de la so capacità ofissial. Come risultà, la magior parte de i migranti lori i viaiava in condission precàrie ´ntela tersa clase, spesso stesi sui leti amontai o anca direto par tera soto el ponte. El capitan, de tanto in tanto, i ghe permitea de rivar a proa par respirar ària fresca e caminar soto el sol.

I compartimenti lori i zera estremamente sporchi dopo qualche zòrni di viàio, el magnà el zera scarso e spesso màrcio, e l'aqua potàbile no bastea mai. Oltre a le condision igiéniche pèssime, le dificoltà dovu ai cambiamenti de el tempo agravea la situassion. La diferensa de temperatura tra la note e el dì fasea che l’umidità sufocante del zòrno la fusse seguita da un calore intenso de la temperatura de note. Ste condission favorìa la difusione de malatie infeciose come el vaiolo e el còlera, che presto i podea diventà epidemie.