L'Emigrassion Vèneta un´ Ato de Rebelion.

 

L'Emigrassion Vèneta un´ 

Ato de Rebelion

L'emigrassion vèneta, specialmente da la metà de el XIX sècolo in poi, la se pò capir come na forma de protesta silenssiosa, ma potente, contro le ingiustìssie sossiali, economiche e politiche che i ga tormentà ‘sta region par sècoli. Par capir ben sto fenòmeno, bisogna mètar rento la so stòria de el pòpolo vèneto, che el se ga desfà dopo el rebalton de la Serenìssima Repùblica de Venèssia, un Stato che, par quasi mile ani, gavea garantìo na certa stabilità e prosperità al so pòpolo.

Con l´invason de Napoleon ntel 1796 e la conseguente anession de el Vèneto al´ Impero de l´Austria, la vita dei vèneti la ga scominsiar a cambiar in modo dràstico. L'antica serenità de la Repùblica Venessiana la ze stà sostituìta da la rigidesa e austerità de el domìnio austrìaco, che, anca lu ne garantiva na certa sicuressa, no el gavea pi la capacità de fornire la stessa qualità de vita. La frase popolar "Con la Serenìssima se magnava a mesodì e a la sera; con Cesco Bepi se magnava solo a mesodì ma, con i Savoia, né a mesodì e ne gnanca a la sera" la descrive ben la persession de un pòpolo che i gavea vardado la so situassion de vita deventar desolante.

Con l'unificassion de l'Itàlia soto la Casa de Savoia, la vita par i vèneti la ze deventà ancora pi tràgica. La degradassion econòmica, che lori i sentia soto el domìnio austrìaco, la ze stà aumentada da le guerre, de le nove tasse e de l'instabilità polìtica de el neo-nato Regno d'Itàlia. I pìcoli contadini, che da generassioni i ga vivesto come mesadri o ancora paroni de pìcoli tereni, lori i se ga trovà sempre pi schiacià tra le tasse alte e la necessità de vendere le so tere par sopravivere.

L'emigrassion, in sto contesto, la ze nassesta come na risposta naturai, quasi inevitabile, par tanti vèneti. Stimolà da qualche autorità e spesso anca dai sermoni de doménega de i preti in cesa, che i vedeva ´nte l'emigrassion na maniera de evitar un conflito armà, sta fuga in massa no la ze stà solo na ricerca de migliori condission de vita. La ze stà, sopratuto, un ato de resistensa passiva contro i "paroni de tera" che i gavea "sfrutà" sti lavoratori par tanto tempo. L'espression "Tasi sempre, obedire sempre", che la gavea caracterisà el raporto di vèneti con i so paroni e anca con la cesa, la ga scominsià a perder la forsa, a man a man che sti contadini i dessidea, in gran numeri, de sercar na nova vita in tere lontane, specialmente ´ntel´ Amèrica.

Sto ésodo in massa el ze stà un colpo par la vècia ordine sossial. De repente, quei che i gavea tegnù el potere e el control sui laoradori de i campi, adesso lori i se ga trovà sensa mandòpera par laorar le so tere. In un colpo de destin irònico, tanti de i vèci proprietàri de tera, che prima i gavea lori el poder, lori oromai i ze stà costreti a sporcarsi le man con el laoro duro, parché i no gavea pi chi lo faséa par lori.

Cussì, l'emigrassion vèneta la se po veder come na forma de protesta contro l'opression e lo sfrutamento, na maniera par dire "basta" a na situassion che gavea deventà insostenibile. La ze stà un movimento spinto dal desidèrio de na vita mèio, ma anca da un sentimento profondo de rebelion e no conformità con na realtà che gavea deventà intolerabile. Par i vèneti, emigrar no ze mai stà solo na scielta econòmica; la ze stà un ato de dignità e de resistensa, na maniera par reclamar el dirito de viver con dignità, anca se questo volea dir lassar indrìo la tera dei so vèci e ´ndar a cercar novi orizonti in posti lontani e sconossiuti.

I Sòni de i Vèneti in Tera Foresta

 

I Sòni de i Vèneti in Tera Foresta

La fumada dolse de la matina copriva el porto de Zénoa, 'ndove el vapore Poitou el zera ancorà, parecià par partir verso el Brasil. Tra le ombre e i lampi de el sole che, con fiachessa, taiava la foschia, un grupo de famèie vènete se radunava, portando in man no solo le so valìgie, ma anca el peso dei so sòni e speranse. Ogni uno de i migranti portea ne i so òci el riflesso de un futuro imaginài, na tera ndove la fame, la misèria e le incertesse i saria sostituìe da l'abondansa e da la dignità.

Giuseppe Rossi, un contadino de trenta ani, stringea la mano de so mòier, Maria, mentre i so do fioi, Luigi e Chiara, lori i guardea curiosi verso el gigante de legno che presto i porterà verso na vita nova. Giuseppe el zera nato e cresciù ´ntela pìcola Castelfranco, ndove el teren adesso infèrtile e la mancansa de laoro la zera diventà insoportabile la lota diària par la sopravivensa. Intle noti de insónia, ghe zera frequente scoltar stòrie de emigranti in Brasil incòi pròsperi che i zera stai racontà da i viaianti e da i sasserdoti, promesse de na tera ndove tute le robe cressea, ndove el laoro el zera recompensà e ndove i fioi i podèa soniar sensa limiti.

Intel vapore Esperansa, i zorni se alunghea. L´ aura del mare, che inisialmente la zera un solievo par i migranti, la zera diventà na costante reminissensa de la distansa che cressea tra de lori e l'Itàlia. Le noti le zera piene de canti tristi, lamenti che i rissonea ´ntei compartimenti là zo de el bastimento, ndove i passegieri de tersa classe i zera confinà. Ma anca in meso a le dificoltà del viàio, el sònio de el Brasil restea vivo, alimentà da le stòrie che girava tra le famèie.

La prima vision de el Rio Grande do Sul la zera na mirage lontana. El litoral segato, con le so montagne verdi e le foreste dense, parea prometer tuto ciò che lui gavea sperà. Giuseppe strinse la mano de Maria con forza, e entrambi se scambiarono un sguardo pien de speransa. “Qua, construiremo na nova vita,” pensò lui, sicuro che quela la zera la tera ndove i so fioi i ze potea crésser con dignità e bondansa.

La realtà, però, la zera meno indulgente de le stòrie contade in Itàlia. Lori pena disbarcà a Porto Alegre, lori i ze andai par na colònia ´ntela serra gaùcha, ndove la promessa de tere fèrtili i aspetea. Ma na volta rivà, i Rossi se i ga  trovà davanti na foresta spessa, ndove el teren vèrgine ancora richiamea èsser disboscà. Le piante giganti doveva èsser talià, i tronchi trascinài, e i campi preparà par piantar. Le prime setimane le zera de stanchessa fìsica e mentale. L'isolamento el zera totale; la famèia  vicina vivea a chilometri de distansa, e el mèdico pi vicino el zera stà a zorni de viàio.

Ma Giuseppe no se desanimò. Con Maria, che mai lassava de sorridere, anca ntel´ ore pi difìcili, el cominciò a laorar. Le mani calose, abituade al tereno dissecà de l'Itàlia, imparò a far fronte con el fango e le pietre de el novo mondo. Luigi e Chiara, ancora bambini, anca lori i aiutava come podèa, racogliendo frute selvàdighe e imparando nuove cose da i vicini brasilian.

El primo inverno ´ntel Brasil el zera na prova de fogo. El fredo, che i lori mai lo gavea imaginà de trovar in Brasil, penetrava tra le grosse fessure del legno mal agiustà de la pìcola casa che loro i gavea costruì. Molti de i migranti i sucumbì ai malatie, a la solitudine e al disispero. Giuseppe temeva che la so pròpria famèia fusse anca lei tragada da sta onda de soferensa. Ma la fede in Dio e l'amore che i condividea i mantenea forti.

Adesso, ´ntela primavera sucessiva, el miracolo el ze sucesso. La prima racolta, anca se modesta, riempì i so cuori de giòia. El frumento dorà, che balea al vento, simbolegiava no solo el sostentamento fisico, ma la concretisassione de un sònio. I Rossi, come tanti altri, i gavea finalmente trovà el so posto ntela nova tera. E con el frumento e el granoturco, i viene le viti, i vigneti, el pane e el vino, simboli de na cultura che lori i no gavea mia abandonà, ma adatà e radicà in quel terreno lontano.

I ani passaran, e le colònie italiane ´ntela serra gaùcha fiorì. Cità come Caxias do Sul e Bento  i migranti. Giuseppe, già con i capei inbiancà, el guardea i so fioi cresciù, adesso paroni de le so tere, e sentia el cuore scaldàrse. L'Itàlia la zera lontana, in un altro continente, ma el Brasil el zera diventà la so nova pàtria, ndove i so nepoti sarà diventà grandi, parlando portoghese e talian, portando ntel sangue la forsa e la resistensa de i primi colòni.

In fine, i sòni de i migranti vèneti no i ze stai solo aspetative de na vita mèio; i ga diventà la realtà de un novo inisio, na nova cultura, e un novo Brasil. Giuseppe, Maria e i so discendenti lori i ze i testimoni vivi de che, anca in meso a le dificoltà e a le sfide, la fede e el laoro pò trasformar la tera straniera in un casolare, ndove i sòni i ze piantà e racolti, generazione dopo generasione.

El Bastimento de la Speransa

 

El Bastimento de la Speransa

La nèbia la stava sora el porto de Zénoa come un velo de luto, smorsando i sussùri e i singhiossi de quei che i se salutea. L'omo el strensea la man de la mòier, sentindo el fredo de lo metal de l'anelo de nosse. A fianco a lori, tre fioi i vardea verso ´l orizonte, dove el gran Atlantico el prometea na vita nova, mentre so mare, na vedova, la ze conossuda in famèia come nona Pina, la teneva i òci bassi, coprindo el despiasere che ghe cresseva dentro el cor. Le strade strete de Vicensa, la piasa dove che i ze ga cresseuda, la cesa dove che i s'e ga maridà, tuto quanto restea drio, ridoto a dolorosi ricordi.

El Brasil, l'El Dorado, el zera un siono lontano, zera sta vendù da i agenti de l'imigrassion come a tera de le oportunità. Ma par l'omo, che gavea tacà come na necessità de scampa via da la fame e de la misèria, ogni chilòmetro che i passea in mar, el se trasformea in na scielta amara, ´n tradimento silensioso verso le radisi che mai avaria smesso de sanguinar.

In quel longo e tempestoso viàio, le speranse lore i se mescolava con la paura. Le onde de l'Atlantico, nervose, le rivea come na tempesta de emosioni che prendea conto di quele anime esiliate. Le note se riempiva de sòni interompi, incubi in dove la pàtria la parea scampare sempre pi lontan. In fondo ai pensieri, l'incertessa restea: gavea lori fato la scielta giusta de lassar la tera natìa?

Quando che i ze drio sbarcà al porto de Rio Grande, li gavea recevù un caldo pesante e na lèngoa sconossùa che parea un ingropar de sònio. El lungo viàio col batèl sul Rio Jacuì fin a la colònia taliana su in Siera Gaucha, la zera dura e faticosa, su strade che no ghe zera e streti  sentieri tra la foresta fissa. La tera, la parea bona, ma la volea un gran laor par domarla, le sfide le zera tante e i ghe spontea fora da ogni canton. L'omo el sentiva el peso del mondo sora le so spale; la promesa de na vita nova la s’avea disfà presto, davanti a la dura realità per tirar zò la mata, coltivar un tereno rebel e soportar le malatie tropicai.

La mòier, sempre forte e taciturna, la curava la casa improvisà con na dignità che impressoava tuti quei atorno. La tenea vive le tradissione vènete, proveva a cusinar i piati che ghe faceva ricordar i savori de casa, ma el gusto el pareva mancar sempre. La nona Pina, par so parte, vardava i zorni passar lenti, consumà da na nostalgia che la parea un cancro in te l'anima. La soniava el ritorno, le strade de sassi, le ose conossùe, ma lei la savea, ´ntel fondo, che no ghe saria pi rivà.

I primi mesi in colònia i zera segnalà da privassion e laor che no finìa mai. I fioi, ancora pìcoli, i s'imparava a conviver con el fango e con la duressa de la vita in colònia. L'omo e la mòier lori i lavorea sodo da la matina a la sera, rebaltando la foresta, tirando su le serche, provando a domar na tera che no la volea farse comandar. La sera, quando che tuti i dormiva, el se permeteva de vardar in su verso el celo pien de stele e imaginarse che, in qualche posto lontano, el so paese ´ntel´Itàlia lu zera ancora là, soto el stesso ciel, che lo aspetea.

El inverno in Siera Gaucha el zera impietoso. La famèia, anca se zera costumà ai gèlidi inverni ntel Vèneto, la sentiva el fredo taiar el corpo e l'ànima par la mancanza de un riparo pì solido. I vestiti i zera de poco conto, le case mal costruìe, lassava passar el vento gèlido e le reserve par magnar le zera sempre meno. La mòier curava i fioi come podèa, covandoli ´ntel caldo de le coerte, contandoghe storie atorno al fogo par scaldarghe el corpo e l'ànima.

Le zornade le passea lente e la nostalgia la ghe diventea na compania costante. De note, la nona la sussurava preghiere in vèneto, con le man tremanti che strengea el rosàrio come se fusse l'ultimo fil che la ghe teneva con la tera che la gavea tanto amà. I fioi, anca se pìcoli, lori percepiva el peso de quel càrico invisibile che i so pari i gavea in dosso. I crescea tra do mondi: quel de le storie e cansoni vènete, e quel de la realtà dura e spietà de el Brasil.

Con el tempo, la colònia la se ga trasforma in un posto de contrasti. Da na parte, adesso lori i lavorea su la pròpia tera, no dipendea pù da paroni e no gavea pi da dividere le racolte. Ghe zera la promessa de na vita nova, de prosperità e de un futuro mèio par i fioi. Ma da l'altra parte, la realità la zera ogni zorno na batàlia, na lota contro la natura, contro la distansa, contro la nostalgia. La tera che prometea tanto, la ghe dava poco. I campi che dovea fiorir con le viti e el formento, i zera pien de erbace e de sassi.

Ogni létera che rivava aumentea el rimpianto con le notìsie de i parenti che i ga restài ´ntela Itàlia. Le  feste e le celebrassion a quei che lori adesso no partecipea pi, tuto questo ghe serviva par ricordarghe che loro i zera lontani, ben lontani da casa. El ritorno, che prima parea na possibilità vera, con el tempo el diventea un sònio sempre più distante. I risparmi che dovea servire par tornare indrio, i zera consumai in robe de prima necessità: strumenti de lavoro, medecine e principalmente magnar.

I fioi, cressendo tra la cultura vèneta dei pari e quela brasiliana che ghe stava atorno, i gavea tacà a perder la ligassion con la tera de i noni. I parlea un portoghese con un acento strano, mescolà co parole vènete che no ghe se capiva par i altri colòni. Zera na identità che se stava formando, na mescolansa de do mondi che mai i se saria incastrai pròprio.

L'omo el vardea sto processo con tristessa. El vardea i so fioi che pian pian se lontanava da le tradission che lui el gavea sempre custodì. El desidèrìo de tornar in Itàlia el zera diventà un peso che ghe schiaciava el còr. Ogni ano che passea, la realità ghe zera che lori no i saria mai tornà a casa, la se faceva sempre più ciara. L'Itàlia, con le so coline verdi e i vigneti, no zera pi na scòlia. Lori i zera rimasti intrapolai in na tera che no i ghe gavea mai dado un vero benvenuto, ma che nemeno i ghe la podéa lassar.

El tempo el portea pi dificoltà, ma anca un senso de amission. La mòier, che prima la lotava contro la realità, adesso la se rassegnava. Lei la ga  trovà forsa in la famèia, in la securansa che, no ostante tuto, lori i zera ancora insieme. La nona, 'ntel so leto de morte, la gavea domandà na sola roba: che, dovunque che i fusse sepultài, na mancià de tera vèneta la ghe fusse messa sora el so corpo, parché, anca dopo la morte, lori restasse ligài al posto che i gavea tanto amà.

Con el tempo, la colònia la comìncia a prosperar. Le prime racolte le zera modeste, ma bastea par nutrir la speransa. I coloni i se dava una man l'un con l'altro, creandose na comunità dove lo spìrito de solidarietà ghe zera forte tanto quanto l'amor par la pàtria lontana. La cesa, alsà con l´ impegno de tuti, diventea el cuor de la colònia.

La Stòria de i Migranti Taliani ´ntel Rio Grande do Sul

 

La Stòria de i Migranti Taliani ´ntel Rio Grande do Sul

A la fin de el sècolo XIX, l'Itàlia, che a quei tempi la zera un regno ancora novo, pena unificà, la zera segnà da 'na dràstica mancanza de laor, povertà e disperassion. La carensa de posti de loro l´ntel campo la menava le famèie de i pìcole agricultori in cità, in serca de 'na vita nova che el novo paese, senza resorse economiche, purtroppo, no i podea darghe. El Trento, el Vèneto e la Lombardia lori i zera regioni particolarmente tocà da la crisi econòmica che la devastea tuta la nassion. Le tere le zera seche in qualche zona e i sofriva de inondassion in altre, colando la fame come un nemigo fisso, specialmente ´nte le zone montagnose, che oramai da sècoli le zera abituade a 'ste duresse. Fra i paesèti, la speranza de 'n miglioramento la zera merce rara. Però, el rumor de 'na tera promessa, da l'altra banda del osseano, el cominciava a sparpaiar come un bàlsamo par quei che i se batea par sopravìvar.

Zuanin e Maria, pìcoli agricultori proprietari de poca tera, eredità da famèia, lori i stava in 'na frassione de Trento, i vivea coi so tre fioi – Carlo, Lùcia e Antònio – in 'na casa vècia e malandà, che la famèia no la zera pi in grado de sistemar, ma la zera piena de soni. Zuanin, come contadino, el combatea contro 'na tera ingrata, el clima defìssile e i pressi bassi de quei pochi prodoti che el riuciva a far, e oramai sentiva che la so famèia la zera su l'orlo de la disperassion. Sente ´ndar storie de le vaste tere brasiliane e de le oportunità che se apriva in 'sto Mondo Novo, el decise che la zera ora de cercar un futuro mèio. Con quasi niente di schèi e molta pi di speranza, la famèia la se preparò par lassar drio quel che conossea e scampar via verso lo scognossesto.

Intanto, a Treviso, Elisa e so pare Bepi, i zera imersi in un sentimento de perda e speransa. Bepi, un vedovo segnà dal dolo de la recente morte de so mòier, el vedeva in l'emigrassion na oportunità par dar a so fiola 'na vita che no podèa pi garantirghe in Itàlia. I partì su 'n vapor, pieno de espetative e con el cuor pesà par la partensa, drio verso el Brasil.

In Lombardia, la situassion la zera parèa disperà. Luigi, un toso artigiano de profission, imparata dal su pupà, el vedea l'emigrassion come l'ùnica strada par cambiar la so sorte e garantir un futuro mèio ai so fradèi pi zòvani dopo la morte de i suoi genitori. El vapor che i portea el zera pien de persone come lu – òmeni e done che i portea con loro soni e speranse.

La traversada par el Brasil no zera mica fàssile. El mar, imenso e imprevisibile, el sfidea la resistensa dei migranti com temporai e malatie. El magnar i zera poco e le condission de vita ´ntel vapore le zera precàrie. Però, la fede e la determinassion ghe dava la forsa de ´ndar avanti. La promessa de 'n novo inìcio la zera sempre là, un faro ne le tenebre de le fatiche.

Quando el vapore finalmente el ze rivài in Brasil, la vision che se presentea la zera tanto diversa da quela che i lori gavea imaginà. I porti i zera strapieni de zente, la vegetassion la zera fissa e el caldo sofocante. I migranti lori i zera distribuii in tante region de el Brasil, ma le zera in provìnsia de Rio Grande do Sul che i ga catà la pi granda concentrassion de colònie nove.

Le colònie de Caxias do Sul, Dona Isabel e Conde d'Eu lore I zera impiantà col scopo de darghe tère e condission par far prosperar i migranti. Però, l'adaptassion a la nova vita no la zera mica semplice. La tèra a disposission la zera vasta e selvadèga, e l'infrastrutura la zera quasi inesistente. La comunicassion con el mondo de fora la zera limitada, e i primi ani i zera segnalài da un gran sforso par trasformar la foresta vèrgine in campi fèrtili.

Zuanin e Maria i ga afronta la sfida con coràio. La famèia la ze comincia a dissodar la tera, co Zuanin che la lavorea e Maria che la curava la casa e i fioi, oltre a darghe man forte al marìo ´nte 'l laor pesante del campo. Le fatighe le zera tante, ma el laor duro e la speransa de 'na bona racolta i zera la motivassion de ogni dì. El caldo afoso e le malatie sconossùe le zera sfide costanti, ma la perseveransa de la famèia la zera imbatibile.

Elisa e Bepi, da so parte, i lotava par stabilirse in casa nova. I ga cata suporte ´ntele altre migranti come lu e, tute insieme, pian pian, i formea 'na comunità. Bepi el ghe metea le so man in laor nte i campi, mentre Elisa la curava la casa e cercava de farse amistà coi vicini par adatarse a la vita de le colònie.

Luigi e i so amighi lori i afrontea sfide someiante. La tera la zera rica, ma el laor el zera pesante. La so braura in costruir el ghe dava el modo de guadagnar el pan. La condission in cui i vivea la zera dura e la granda distansa fra le famèie la aumentava el sentimento de isolamento. Però, la amissìssia tra i migranti aiutava a superar le fatiche. Oltre al laor de costrussion, el se dedicava con fervor a ´na pìcola piantaion, e la prima racolta la zera 'na gran conquista. El sentimento de realisassion el cominciava a spuntar, anca davanti a le adversità.

Col tempo, i migranti taliani i catea i fruti del i so laor. Le colònie i scominciava a prosperar, e le tère, na volta inòspiti, le se trasformeva in campi fèrtili e produtive. Le fatiche inisiali le zera superae gràsie a la determinassion e al spìrito de comunità. I legami tra i migranti i se fortificava, e la vita ´ntele colònie la zera sempre pi gratificante.

El legado de i migranti taliani ´ntel Rio Grande do Sul el zera 'na stòria de resiliensa e superassion. I zera rivà in serca de 'na vita mèio e, gràsie al laor duro e la determinassion, i zera riussi a trasformar la so vita e la tera dove i gavea piantà le radisi. Incò, le so contribussion le ze celebrate e l'influensa taliana la ze 'na parte fondamentale de la cultura e de la stòria de 'sta region. La saga dei imigranti italiani la ze un testimonio potente del spìrito umano e de la capacità de trasformar le sfide in conquiste permanente.

Soto el Ciel de Brasil: El Destin de 'na Famèia de Contadin

 

Soto el Ciel del Brasil 

El Destin de 'na Famèia de Contadin

El sole se stava impissando sora i monti de le Dolomiti, colorando el ciel de 'n arancio vivo. In 'na pìcola vila in provìncia de Belùn, ai confìni norte de el Vèneto, la famèia Benedettini lori i se reunia intorno a 'na grande e vècia tola de legno, segnà dal tempo e dal doperamento. Giovanni Benedettini, el paron de casa, i zera 'n òmo con le man calegate e co' i òci che ghe portea drìo sècoli de storia. El vardava i so fioi, Rosa e Pietro, e la so moier Augusta Aurora, fermà in silénsio co 'l rosàrio in man.

“La situassion la zera diversa co la Serenìssima,” el ga parlar Giovanni, rompendo el silénsio. “Se magnava mesodì e cena. Gavévimo pan e vin, e el laorar la tera mantenea noaltri. Ma romai, soto i Savoia, pena che ghe riusimo a magnare mesodì. La fame sbater a la porta de noantri, e la tera, che prima ne dava vita a noantri, romai pare che ne condana.” Maria ghe fece sì co la testa, coi òci che rifletea la stesa ansia. Lei savea che 'na cambiada se stava avicinando, 'na cambiada che saria stada decisiva.

La memoria de la Serenìssima Republica de Venèssia la zera ´ncora viva in te 'sta comunità, 'na època de relativa prosperità e dignità, prima de l'invasion de Napoleon e la dominassion austrìaca che la ze vignesta dopo. Soto Francesco Giuseppe, el imperatore “Cesco Bepi” come i vèneti lo ciaméa, la vita la zera deventa pi dura, ma ancora suportabile. Co l'unificassion de l'Itàlia e l'anession de tuto el Vèneto al Regno d'Itàlia soto la Casa de Savoia, la situazion la zera degenerà de corse. Le promesse de libertà e prosperità le zera bale de fumo; quel che ghe ze restà la ze fasea la strada de la misèria. La crisi económica la se gavea agravà, e la famèia Benedettini, come tanti altri picoli contadini e artigiani, lori i se trovea su l'orlo del colasso. La tera che Giovanni el curava co tanta passion la ghe apartenéva a 'n gran sior che 'l stava lontano, a Venèssia. El gastaldo, incaricà de la gestion, el zera spietà e no ghe suportea nesuna mancansa. I dèbiti se somea, e la fame diventava 'n compagno de tuti i zorni.

In 'na matina freda de otobre, durante la messa de domènega, el pàroco Don Luigi, 'n òmo stimà da tuti quanti in paese, el salì sora el pùlpito e, co 'na ose che rimbombea tra le mure de la cesa, no le mandà a dir e, anche contro i interesi dei siori, el incitava i poveri a 'ndare via en emigrassion. “Fiòi mèi, la nostra tera la ze benedeta, ma romai i tempi lori i ze duri. Dio ne ga dà coràgio, e gavemo de dover usarlo. Ghe ze teri oltremare, teri che promete 'na vita mèio. La fame no ga da èsser el nostro destin. Partì, trové nuova vita. Questa la ze la volontà de Dio.”

Le parole del pàroco le risuonea ´ntel cuor de Giovanni. El savéa che restar voléa dir la morte dimorà de la so famèia, ma partire i zera 'na scomessa ´ntel scognossesto. Tanti siori, contro a l'emigrassion, parchè lori gavaria restà sensa manodopera o, per la carensa, i gavéa da pagarla molto de pi, i faseva circolare tra la zente voci e desinformassion che creava paura in quei che i volea partir. Ma, 'na sera, vardando i visi de i so fioi, el ga preso 'na decision. I lasserà el Vèneto.

La decision de emigrare no la ze stada fàssile, ma el destino el ghe zera avisa. In 'na matina nebolosa, la famèia Benedettini la ga radunà quei pochi cianfrusaglie che i gaveva e la se ga preparà par la longa strada fin al porto de Génova. Li, i se imbarcarìa su 'n vapor verso el Brasil, un país de che no savea quasi gnente, ma che prometea nuove oportunità. Prima de partir, Giovanni el ze ndà in cesa. El s'é indenocià davante a l'imagine de San Marco, el patron de la cesa de so vila, e el ga fato na orassion in silénsio. El sentéa el peso de sécoli de storia sora i so ombri, ma savéa anche che no ghe le zera altra strada.

El zorno de la partensa el ze stado segnà da làcrime, abrassi e forti struconi. La pìcola comunità la se ga radunà par despedirse da famèia Benedettini che partiva. Amighi e visini lori i ga oferto preghiere e promesse de letere. La tristessa se sentéa, ma ghe zera anca 'na scìntia de speransa ´ntei òci de quei che partiva. “No ve desmenteghe mai chi che ti si, da dove ti si nassùo. Porte el Vèneto ´ntel cuor,” el ghe dise el vècio Paolo, l'amigo pi caro e antico de Giovanni, mentre el ghe stringéa la man al patriarca.

La traversada de l'Atlàntico la ze stada longa e piena de sfide. In te la stiva del vapore, i Benedettini condividéa 'n spàssio streto co na decine de altre famèie, tute provenienti da vàrie region de l'Itàlia, tute in serca de 'na nuova vita. El mar el zera impietoso, e tanti zorni passea sensa che la luce del sole penetrasse ´ntele profondesse del vapor. Rosa, la fiola pi granda, la se gavéa amalà durante el viàio. Maria fasea tuto quel che lei podea par salvarla, ma la mancanza de mèdici e le condission insalubri le rendeva la guarigione difìcile. In momenti de disperassion, Giovanni el ghe domandea se el gavea fato ben a partir, ma Maria la ghe ricordea le parole de Don Luigi: “Questa la ze la volontà de Dio.”

Finalmente, dopo setimane su el mar, i ga varda la costa brasiliana. El porto de Santos se stendea davante a lori, 'na vision che mischiava alìvio e incertessa. La zera l'inisio de 'na nuova vita, ma anche la fin de tuto quel che i gavea conossùo. El Brasil i gavea recevù co 'n caldo sufocante e 'na vegetassion vigorosa. L'adatassion la ze stada dura. La lèngua, i costumi, la tera stessa i zera strani. Tutavia, i Benedettini i gavevano tenassità. Giovanni el ga trovà laoro ´nte 'na fasenda de cafè, mentre Maria la curava i fioi e 'na pìcola plantassion che lei podea manténere. El laoro el zera molto duro, ma par la prima olta in ani, ghe zera la speransa. Co el tempo, altre famèie italiane i ga se unì a lori, creando 'na comunità dove le tradission del Vèneto le zera preservà. In meso a le dificoltà, ghe zera anche la giòia de le vendemi, de le feste religiose, e del nàssere de nuovi fioi, che i porteva co lori la promessa de 'n futuro mèio.

Rosa la ze guarì e, ani dopo, la se ga sposà co 'n giovane contadino vegnù anca lu dal Vèneto. Pietro, el fiol pi pìcolo, el ze cressù forte e pien de soni. La nova generassion de i Benedettini no savéa la fame che gavea segnà la vita de i so genitori. Ani ga passà, e Giovanni el ze invèciar. Sentà in veranda de la so modesta casa, el vardava i campi intorno, che i se stendeva fin dove ghe rivava el cuòr. El Brasil, così lontano da le montagne del Vèneto, el zera diventà 'na seconda casa, ma el cuor de Giovanni el ga sempre continuà a bater pi forte par la tera natìa, par le coli e i paeseti che, tanto tempo prima, la so famèia i gavea contribui a costruì.