El Porto de Genoa e l'Emigrassion Italiana: Un Marco ´ntela Stòria

 

El Porto de Genoa e l'Emigrassion Italiana: Un Marco ´ntela Stòria

El Porto de Genoa el ze stà una de le principali rote de partensa par milioni de taliani che, tra el sècolo XIX e el prinssìpio del sècolo XX, i ga sercà de miliorar le condissioni de vita in altri continenti. Sto porto el ze diventà un sìmbolo del ésodo in massa, rapresentando le speranse e i problemi che i emigranti taliani i ga dovù afrontar.

Ben che altri porti taliani, come Napoli, Palermo e Livorno, i gavea anca lori un rol importante ´nte l’emigrassion, Zénoa la se ga distiguì par la so posission stratègica e par la robusta infrastrutura che la podéa risponder al cressimento del transporte marìtimo. Tra el perìodo dal 1876 al 1901, sirca el 61% de l’emigrassion italiana tranverso l´ocean la ga tacà da Zénoa, somando sirca 200.000 emigranti ogni ano.

I viàie in mar i zera organisà spesso da compagnie de navegasion che i se fasea concorensa par catar passagieri, ofrendo a volte pacheti a pressi bassi. Navi famose come el "Duca de Galliera" e el "Principe Umberto" i ze conosù par aver transportà miliaia de fameèie in serca de novi orizonti. Però, le condissioni del viàio le zera precàrie: sovrafolamento, igiene scarsa e mancansa de cibo i zera robe comuni, rendendo le traversade pericolose e, in tanti casi, mortài.

L’emigrassion italiana la ze stà inssentivà da crisi sossial e economiche severe. Dopo l’unificassion de l’Itàlia, region come el Sud e el Nord montagnoso i se trovava a enfrentar la fame, la disocupassion, stipendi bassi e mancansa de tera par coltivar. Ste dificultà le zera agravà da la pression demogràfica e da la mancansa de politiche interne par mitigar la povertà. Da l’altra parte, paesi come el Brasile, l’Argentina e i Stati Uniti lori i gavea inssentivi par l’imigrassion, come contributi par el trasporte e promesse de laoro su piantagioni, indùstrie e ´ntel setore edilìsio.

Ben che Genoa la ze stà el prinssipal porto de partensa, tanti taliani i se ga imbarcà anca in altri porti européi, come Marsiglia, Le Havre, Amburgo e Anversa. Sti porti i ofriva alternative pì economiche o i zera colegà a rete de agenti de emigrassion che i organisava i viàio pì comodo.

Ntel caso del Brasile, l’immigrassion taliana la ze stà particolarmente significativa par el sgrandimento de le region del Sud e del Sudeste. Sti emigranti, en la so maior parte contadini, i ga zugà un rol crussial ´ntela colonisassion de zone come la Serra Gaúcha e l’interno de São Paulo. L’impato cultura e económico dei taliani el resta visìbile, con i dessendenti che i ancor conserva le tradission e i contribui a la formassion de ´na identità culturae rica e diversa.

Genoa la ze diventà anca un porto de preservassion stòrica. Documenti come liste de passegieri e registri de sanità marìtima i ze fonti pressiose par la genealogia e lo stùdio del fenómeno migratòrio. Tra el 1833 e el 1850, par esempio, pì de 14.000 taliani i ze partii da Genoa verso le Amèriche, con destinassioni principalmente ´ntele region del Plata (Argentina e Uruguay), i Stati Uniti e el Brasile.

Con el sècolo XX, con la modernisassion dei mesi de transporte e i cambiamenti dele polìtiche migratòrie, altri porti, come Napoli e Palermo, i ga scomenssià a guadagnar importansa. Ciononostante, Genoa la ze restà un marco storicamente rilevante, no solo come ponto de partensa fìsico, ma come sìmbolo de la resiliensa e de la determinassion dei emigranti taliani.

Ancòi, l’eredità de sta emigrassion la ze celebrà ´ntei musei, ´ntei monumenti e ´ntei eventi culturali, sia in Itàlia che ´ntei paesi che i ga acolto sti emigranti. La stòria del Porto de Genoa e dei so viagiadori la ze un ricordo del impato profondo de l’emigrassion ´ntela formassion de le sossietà moderne.

Emigrassion Vèneta – El Lungo Viàio

 

Emigrassion Vèneta – El Lungo Viàio

Sùbito dopo che la zera stà presa la dessision de emigrar e dopo che i nomi lori i ze stài dati al agente responsabile, rapresentante de la dita de navigassion che organisava el viàio, la prima provedensa la zera de ´ndar in comune par otener i passaporti. Questi, lori i zera nessessàri par tuta la famìlia e par questo i bisognava na dichiarassion otegnuda lì stesso nel comune de la so sità. Lori i dovea anca far la vassinassion obligatòria. I zera mesi de preparativi con la vendita de tuti i robe che lori no podèa portar via con sé. Vestiti, ogeti de uso personale e strumenti, lori i zera messi in grandi casse de legno, baù, sachi e valìsie de carton. I faséa incontri con chi i gà restà, ocasione in cui i se saludava i amissi e parenti, no scordando de far l'ùltima vìsita obligatòria al cimitero par el congedo definitivo ai cari zà defunti. Lori i visitava anca el pàroco, dal quale i chiedea la benedission e la so interssessione par afrontar la lunga traversada. Nel zorno segnato par scominssiar el viàio, con destinassion al porto, i se despedia comossi da i familiari e matina ben presto i partia bagnadi in làcrime, dando na ùltima e longa ociada indietro e i seguia fidussiosi nel so destino. Lori i ze rivà a la stassion ferroviària, che solitamente la se trovava in un altro comune e insieme a tanti altri che lì i se trovava, i partia par el porto de Zénoa. Par la grande magioransa, sto viàio fin a la stassion ferroviària la zera zà la distansa pì longa che i se era alontanà da i so paesi. El viàio in treno el zera anca sconosciudo par tanti, cosa che la generava paura e apreension. In ogni stassion dove el treno el s'fermea la zera la stessa scena: desine de òmeni, dóne e putèi, i salìa carichi de bagagli messi in valisie de cartone, sachi o baule de legno. El destino de tuti el zera el Porto de Zénoa ndove, par la prima volta, la grande magioransa la veniva a conoscere el mar. Arivà al Porto de Zénoa, quasi sempre, i dovea aspetar qualche zorno, a volte qualche setimana, par la partensa del vapore che i portaria verso la tanto desiderada tèra “de la cucagna”, la promessa Amèrica. Durante el perìodo de atesa par la partensa, i emigranti i se vedeva disgrasiadi e i zera sotoposti a ogni sorte de prove, vedendo tante volte, i so pochi risorse risparmiadi, dilapidadi da na marea de sfrutatori, speculatori e ladri. I furti de passaporti, soldi e bagagli i zera continuì. El presso del magnar e de i alberghi in zona de el porto i zera gonfià, da negosianti disonesti, causando tanta fame e malatie. Quando i ze rivà el momento de l’imbarco, el movimento intenso e el rumore de òce, de le ordini strilati e fischi, intorno al vapore, i rendea molto nervosi i emigranti che se amassava par no pèrder la chiamata. Sù la imbarcassion i seguiva le ordinassioni ricevute da i marinai incaricadi e i se dirigea in grupi ai soteranei fètidi e sofocanti de la tersa classe a lori destinà, ´ndove i li aspetava leti con paglia, ´ndove i restava amassadi sensa nesuna privassidà. Qualche famìlia, par no èsser divisa, la tornava da i soteranei e la optava de far el viàio in coperta de la nave, a l'aria aperta, ´ndove là, almeno, i podèa viaiar insieme e respirar na ària mèio. Questi i suportava fredo intenso e caldo sofocante, oltre a i perìcoli de i forti venti durante le tempeste in alto mare. I navi, a l'inìsio de la grande emigrassione, lori i zera ancora lenti e mal equipài. Dopo, i son vignesti quei con motori a carbone, quasi sempre navi de càrico, adatài in freta par trasportar persone. La situassione igiénica a bordo la zera molto precària, sensa nessun conforto. Lori i viaiava con tanti animài vivi che vegnia abatudi par servir de nutrimento durante el viàio. Senza mèdico a bordo, el perìcolo de epidemie el zera costante e, in efeto, tante volte i ze capità e che la gà desimà tante vite, quasi sempre de bambini e ansiani, i cui corpi i zera alora getài in mare, par l’orore de le so famìlie. La memòria de la grande traversada la ze restà indelèbile ne la memòria de i nostri antenati, persistendo anca incò ´ntele stòrie de i so discendenti. La zera el episòdio pì marcante ne la vita de i pionieri. Arivà al porto de destino, in Brasile, paese destinassione de migliaia de emigranti vèneti, tanti i se acorgea sùito che i zera stài inganadi, ilusi da false promesse. Qualcuni i gà rivà legadi a contrati de laoro che no lasciva spasi par pentimenti o anca possibilità de ritorno. Altri, sensa mesi de sostentamento, no podèa permetersi el lusso de tornar, anca perchè in pàtria lori no avea pì niente. I sfidi che i dovea afrontar i zera ancor molto grande fino a che i rivàsse a prender possesso de el tanto soniato peseto de tèra.

Imigrantes Italianos Navio Lavarelo 13 julho 1887

Lista Incompleta de Imigrantes Italianos 

Embarque Porto de Gênova

Desembarque Porto de Santos 

Navio Lavarelo