Bon Capodano
El Capodano Véneto ´ntei Prime Ani de l’Imigrassion Italiana in Rio Grande do Sul
In te el cuor de la grande pianura sudamericana, tra le coline e i vigneti che ricordava la Pedemontana de la tera vèneta, i primi contadin italiani che i ze rivai in Rio Grande do Sul a la fin del sècolo XIX portava con sé non solamente le zape, le viti e le speranse, ma anca le tradission profonde de la so tera: el rispetto dei cicli de la natura, la devozion religiosa, el senso de la famèia e de la comunità, e le feste che segnavano i passagi del tempo.
Tra queste celebrassion, el Capodano — ciò che in portoghese se ga ciamà el primo zorno de l´Ano Novo — rivestiva un significato particolare fra i Véneti e altri oriundi del nord d’Itàlia, anca se le tradission variava secondo la provìnsia de origine e le circostanse del nuovo mondo che ghe tochea afrontar.
El nome Capodano tegnia la memòria de l’antico rito che segnava el scomìnsio de un nuovo perìodo, un punto de passagio che non se limitava solamente a la mesanote del 31 de dicembre, ma che, ´ntel contesto agrìcolo e rurae de le comunità, se intressiava con le staioni e con i cicli del laoro ´ntei campi. In alcune zone del Véneto, prima che venisse adotà el calendàrio gregoriano, l’ano novo el zera selebrà anca in altri momenti del’ano, come el primo de marzo, colegà a l’arivo de la primavera e a la rinascita del mondo naturae.
El Capodano ´ntel tempo de la Serenìssima vegnìa festegià el primo de marzo, data che segnava la fine de l’inverno e l’inìssio de la primavera. Ancora incòi, però, no se insegna pì a scola che, secondo la nostra antica tradission vèneta, l’ano no partiva in genaro, ma el primo de marso.
Parè pròprio strano — e poco comprenssìbile — che ´ntel calendàrio de incòi setembre sia el nono mese, e no el sètimo come el nome el dise (Setembre); che otobre sia el dèssimo, e no l’otavo (Otobre); che novembre sia l’undese, e no el nono (Novembre = nove); e che disembre sia el dòdese, e no el dèssimo (Dicembre = diese).
Ze quasi inconsebìbile pensar che l’Ano Novo scomìnsi in pien inverno, la stassion pì freda, quando la natura par fermarse, dormir, tacere.
El costume vèneto antico, invese, respetava el rìtmo natural de le robe: l’Ano Novo nassea con l’alba de la primavera, insieme a la vita che se rinova, ai campi che se risvèia, ai boti che torna verdi. Con sta spiegassion, i nomi de i mesi del nostro calendàrio diventa sùito pì fàssili da capir.
Purtropo, par tante rason — polìtiche, culturai e de uniformassion — la scola e el governo italian i ga sercà ´ntel tempo de far cascar ´ntel desmentegar no solo el Capodano Vèneto, ma anca tante altre nostre tradission antighe.
Epure, el Capodano Vèneto no el ze mia sparìo del tuto. El resiste ancora, vivo e testardo, in serti comuni del Vèneto, specialmente in Pedemontana del Grappa, ndove ogni ano se varda le grandi foghere del Brusamarso, che simbolicamente “brusa” l’ano vècio, par lassar posto a quel novo che vien, pien de speransa e de vita nova.
In Itàlia, la vigìlia de l’1 de genaro la zera càrica de sìmboli: le lente e le ue ´ntela cena de la vigìlia le zera considerà auspici de prosperità e abondansa, perché le lente ricordea le monede e le ue i dodese mesi de el novo ano; certi indossava capi rossi come sìmbolo de fortuna e amore; e ´ntela mesanote de San Silvestro i boti e i fuochi de artifìci iluminava le piasse per scaciar le negatività e salutar el novo ciclo che vegnia.
Par i Vèneti che avevano lassà i pìcoli paesi de le Dolomiti o de la Pianura Padana e che se trovava ora tra le coline di tera nova, el Capodano ricopria un ruolo de ponte tra passà e futuro. Le paroe sage tramandà da mama a fiòi spiegava che l’Ano Novo dovea se portar via le dificoltà passà e lassar spàsio a la speransa de fruti più richi sui campi, a la salute e a la comunità unida davanti a un ciel noturno pien de stelle. In quell’ambiente ndove l’isolamento e la fatica de conquistar la terra ancora selvàdega fasea parte de la quotidianità, la celebrassion de la fin d’un ano e lo scomìnsio de un altro diventava ocasion per rinsaldar la coesion sociae che tanto servia a la sopravivensa.
´Ntele pìcole colònie agricole disegnà da el governo brasilian per atrar imigranti europei ´ntel 1870–1910, spèssie ´ntei territori che pì tarde i ze diventà Garibaldi, Bento Gonçalves, Caxias do Sul e la Quarta Colônia, la religion catòlica costituia il sentro de la vita comunitària. Le cese e le capele, costruite con fatica comunitària, non solo le zera luoghi de culto, ma spasi ndove se tramandava la cultura e se selebrava i grandi incontri de la famèia e de la comunità, tra i quali el Capodano trovava el suo posto tra le feste de patrono e le serimonie sacre.
In quei primi ani de la colonisassion, el Capodano e la fine de l’ano rivava in pien istà, con el laoro ´ntei campi ancora ben vivo e lontan da vegnir concluìo. No zera un tempo de riposo, ma de fadiga contìnua, parché la tera nova domandava presensa e sudor.
La racolta de la vendemia, che segnava uno dei momenti pì intensi e decisivi de l’ano agrìcolo, rivava solo dopo, tra genaro e febraro, quando l’ano novo zera za caminà e le viti, finalmente mature, rendeva fruto al laoro de mesi.
El Capodano, par le famèie de le colònie, no segnava la conclusion del ciclo agrìcolo come in passà ´tel Véneto, ma un passagio simbòlico del tempo, vissùo con sobrietà e senso religioso. El pasto condiviso tra parenti, qualche brindisi semplice con el vino fato in casa o conservà con cura, e le preghiere de ringrasiamento e de invocassion par la protession divina, marcava la celebrassion de l’Ano Novo.
In quei momenti, la festa no zera fastosa né rumorosa: la salutava el tempo che passa e la confermava, con silensiosa fermessa, el legame profondo tra la zente e la tera che la gavea tocà come nova dimora.
Ntei raconti e ´ntele memòrie dei disendenti di queste colònie, tramandà da generassion in generassion, emerge sempre la stessa imàgine: la comunità radunà atorno a la tola, i veci che ricordea i costumi de la tera madre, i pì zòveni che imparava le cansoni e i modi de viver che univa la memòria d’Itàlia con la realtà nova de l’Amèrica Meridionae. El Capodano, el Bon Capodano, come lo salutava la zente in talian, diventava un sìmbolo potente de continuità: continuità de fede, continuità de famèia, e continuità de ´na cultura che, se lontan miàia de chilometri da casa, rivivea ogni volta che se selebrava la note de l’ano novo.
Questa relasion tra la tradission vèneta e le colònie italiane ´ntel Rio Grande do Sul mostra come, anche in un contesto tanto diverso, la celebrassion del Capodano non fosse solo un rito festivo, ma una forma de resiliensa culturae che fortificava l’ánimo di comunità che stava costruendo, tra le vigne e i campi, un novo destin in tera brasilian
Nota d’Autore
Scriver su el Capodano no vol dir parlar solo de un zorno segnà sul calendàrio. Vol dir tornar indrio con la memòria a un tempo lento, quando el passar de l’ano no zera rumoroso né spetacolar, ma profondo, quasi silensioso, come el laorar de la tera soto el sol d’istà. Par i nostri veci, el Capodano no el zera fato de luse o de euforia, ma de pensieri, de conti interiori, de ringrasiamenti sussurà e de speranse tegnude strete drento el cuor.
In te le colònie italiane del Rio Grande do Sul, el Capodano rivea lontan da l’inverno de l’Europa, in pien istà, con le man ancora dure dal laoro e i campi che no permetea pause. Ma, pròprio par questo, quel zorno assumea un peso ancora pì grande: segnava el fato de èsser ancora là, vivi, resistenti, radicà in na tera che no zera quela dei padri, ma che con el tempo la diventava casa.
Sta nota no ze stada scrita par idealisar el passà, ma par respetarlo. Par recordar che ogni Capodano selebrà dai coloni zera un ato de fede: fede ´ntela famèia, ´ntela Madona, ´ntel laoro, e ´ntel doman. In quela simplissità severa ghe zera dignità. In quel brindisi modesto, speransa. In quela preghiera, memòria.
Che chi lese possa riconosser, tra queste righe, el volto de un nono, el silènsio de ´na nona, el profumo de un vin fato in casa, el caldo de ´na sera d’istà che segnava el passar de l’ano. Parché el Capodano, prima de èsser un augùrio, el zera sempre stà un modo de dir: semo ancora qui. E andremo avanti..
Bon Capodano a tuti!
Dr. Luiz Carlos B. Piazzetta
