Radise Italiane in Nova York: La Zornada de Giuseppe e la so Famèia

 

Radise Italiane in Nova York: La Zornada de Giuseppe e la so Famèia

Giuseppe Russo, lu el zera un zòvene contadin italiano, che lassa la so tera natìa, na pìcola e quasi isolà vila rurae su i pendì luminosi e insolà de la provìnsia de Girgenti, in Sicilia, e emigra ´nte i Stati Uniti d’Amèrica par catare na vita mèio. La situassion económica e el tessuto sossial del sud de l’Itàlia in quei tempi i zera roti, soratuto a causa del novo governo del paese pena unito. La formazione del Regno d’Itàlia, dopo tante guere, morti e persecussion politiche, che no risparmiava né poareti né richi, la gà portà un aumento notévole de la povertà de la populassion. I poareti e i pì indefesi, come i pìcoli propietari rurai, i so famèie e i semplici artisani, lori i ga dovesto soportar pì de tuti el peso del novo governo, con le so nove legi, tase e imposti elevai, oltre che con la concentrassion de l’economia ´ntel nord, in special ´ntel Piemonte. No trovando altra solussion, seguendo la corrente umana sempre pì granda verso l’estero, Giuseppe ariva a la cità de Nuova York, sta tera sconossuda, el dì 16 agosto del 1892, con coràio e tanta speransa nel cuor.

La partensa da la so calda e amata ìsola la zera stà dolorosa, ma Giuseppe savéa che ghe tocava andar avanti par tor oportunità e un futuro mèio par so famèia. El ga lassà indrìo i so cari: la so mama Maria Annunziata, so papà Antonio e la so pìcola sorea, Sofia. Le làgrime che el ga versà ´ntel momento de la partensa i ghe restava sempre in memòria, come segno del gran sacrifìssio.

I primi mesi a Nuova York i ze stà duri par Giuseppe. El ga dovesto enfrentar el preiudìssio, le bariere de la léngoa, la nostalgia de casa e la dificoltà de catar un lavoro stàbile ´nte quel grande sità movimentà. La solitudine spesso lo consumava, e el ghe mancava i calorosi abrassi de la so famèia.

Un dì, Giuseppe conosse Anna Maria, na emigrante italiana come lui, anca lei nata in Sicilia, che condividea la so léngoa e la so nostalgia. Lori i ze presto diventà amissi cari e, con el tempo, l’amissisia la ze sfossià in amore. Giuseppe e Anna Maria i se ga sposà e ga scomenssià na nova zornada insieme.

Con determinassion, dopo qualche tempo che l’avea trovà lavoro, Giuseppe ze rivà a portar so papà Antonio, so mama e la so sorea Sofia par star con lori ´nte i Stati Uniti. La famèia la se ga ricongiuntà, e inseme i ze rivà a enfrentar le dificoltà de sta nova tera.

Giuseppe, che in Itàlia el zera un contadino, el ga sfrutà el so saber de la tera, dessidendo de inissià na sossietà de giardinàgio e vendita de piantine ornamentai e altri utensìli par giardinagio. El lavorava ´nte la sossietà insieme a Anna Maria, Sofia e so papà Antonio. La “Garden Haven Metropolitan Co”, el nome de la sossietà che lori i ga creà, la ze andà ben e, con el tempo, la ze diventà pròspera. Le abilità de Giuseppe e l’amor de la so famèia par la tera i ze diventà la base del so sussesso.

In na zona ndove el inverno el ze rìgido e ogni ano i giardini i ga bisogno de èssere rifà, Giuseppe el ga sempre trovà lavoro. Gràssie a sta costansa, el ze diventà un rico imprenditore. Lori i ga lavorà duro, creando giardini meraveiosi par i abitanti de la sità e anca in altre località del paese, fin che el nome de Giuseppe i ga diventà sinònimo de qualità e dedicassion.

Intanto, la famèia la continuava a cresser. Giuseppe e Anna Maria lori i ga avù quatro fiòi: Luca, Isabella, Giovanni e Sophia. I fiòi i ze cressiù ascoltando le stòrie dei noni, che i ghe contava de la so eredità siciliana e l’amor par la tera. I fiòi e i nipoti de Giuseppe e Anna Maria i ze andà avanti con la sossietà de famèia, inaugurando grande filiali e negosi de fiori in tuto el paese, speciai al sud, dove el clima el ze pì mite.

La stòria de Giuseppe la ze na testimonianza de coràio, determinassion e amor par la famèia. Da poareto emigrante in tera straniera, el ze diventà un pròspero imprenditore e patriarca de na famèia unita a Nuova York. Lori i ga vissuto el sònio americano, no solo con le richesse materiali, ma anca con la richessa dei forti legami familiari e na profonda conession con la tera che li univa a la so amata Itàlia.