Le Radìse de la Speransa:
La Saga de i Migranti Taliani in Santa Catarina
L’emigrassion italiana in Santa Catarina la ze scomincià a la metà de el XIX sècolo, con le sentene de famèie de contadin che i sercava de catar mèio condission de vita in un novo paese. I migranti taliani lori i ze rivài in sta provìncia par porti diversi, compreso el Porto de Itajaí e el Porto de San Francisco do Sul.
I primi migranti taliani che i ze rivài in Santa Catarina i se ga fissà in zone diverse, compreso le cità de Blumenau, Joinville, Brusque e Florianópolis. Lori i sercava na´ oportunità nove de laoro e condission de vita pi digne, parchè tanti de lori i vivea in condission mìsere in Itàlia.
Quando i ze rivài in Brasil, i primi migranti taliani lori i ga trovà tanti dificultà, compresa la bariera de la lèngoa, de un clima e na cultura nova. Ma lori i ghe zera fermi de costruir na vita nova in sto paese e i ga inissià a laorar forte par reussir.
I primi ani in sta nova tera lori i ze stà dificile par i migranti taliani. I dovea imparar tecniche nove de agricoltura e adatarse al clima tropical, che zera ben diverso de queo che i gavea in Itàlia. Ma la volontà e la forsa de laorar che lori i gavea ghe ga fato superar ste dificoltà.
I emigranti taliani, nei primi ani, i produsea soratuto magnar par viver. I coltivea robe diverse, compreso riso, granturco, fasòi, mandioca e tabaco. In pi, tanti de lori i ga inissià a far vin e formaio, portando in Brasil le tradission culinarie de so paesi.
Con el tempo, i migranti taliani lori i ze rivài a prosperar in Santa Catarina e i ga contribuito sensa misura al svilupo econòmico del stato. I ga miso in pié pìcole imprese e negòsi, in pi i ga fato tanto par l'indùstria de i tessuti in sta region.
A Joinville, par esempio, i migranti taliani i se ga sistemà ´ntel quartiere de Vila Nova, ndove lori i ga fato le case e i ga inissià a laorar forte. Tanti de lori i lavorea ´ntele fabriche de stofa in sta zona, contribuendo al svilupo de l'indùstria.
A Blumenau, i migranti taliani i se ga sistemà ´ntela contrada de la Vècia, ndove lori i ga fato le case e inissiava a laorar in agricultura. Lori i produssea sopratuto riso e tabaco, che i vendea in tuta la region.
A Brusque, i migranti taliani i se ga sistemà in la region del Vale de l’Itajaí. Lori i ga inissià a laorar in agricultura e ´ntela ´indùstria de i tessuti, donando un gran contributo a la crescita econòmica de el posto.
Con el tempo, i migranti taliani in Santa Catarina i ga contribuì anca al svilupo culturale del posto. I ga portà con lori la mùsica, la cusina e altree tradission de l’Itàlia, che tanti anca incòi i mantegni.
I migranti taliani i se ga fermà anca in Blumenau, ndove i ga fondà la colònia de San Paolo de Blumenau, ´ntel 1875, e la colònia de Gaspar, intel 1878. Ste do colònie i ga avudo un gran sucesso ´ntela cultura de el tabaco, che i ze deventà un prodoto importante par l’economia de la zona.
Da Blumenau, i migranti taliani lori i ze sbrissà fora par tute le zone del Vale de l’Itajaí e del Planalto Norte catarinense. A Jaraguá do Sul, lori i ga fondà la colònia de Nova Itàlia, ´ntel 1875, e anca qua i ga laorà con el tabaco e dopo anca con le ua e el vin.
Altra colònia che i migranti taliani i ga fondà in Santa Catarina la ze stà quela de Angelina, ´ntel 1877, che i lavorea par far zùcaro e àlcol, oltre a l’agricultura. La colònia de Nova Veneza, fondà ´ntel 1891, la ze di quele pi importanti de el sud de Santa Catarina e anca qua lori ize stài laorar con el tabaco, cafè, ue e altri fruti.
I migranti taliani che i ze rivài in Santa Catarina lori i ga avudo da far par adatarse a na realtà nova. Tanti i gavea el problema de la lèngoa e i dovea imparar el portoghese par parlar con i brasilian e far negòsi. In pi, le condission de vita i zera ben diverse de quela che i gavea lassià in Itàlia.
Al ’inisio, i migranti taliani i lavorea soratuto in agricultura de sopravivensa, producendo magnar par lori stesi. Piano piano, lori i ze rivài a adatarse a la nova tera e a imparar tecniche nove de agricultura, che i ghe ga permesso de espander la produsione e comercialisar i prodoti.
La produzione de tabaco la ze sta una de le principale atività econòmiche de i migranti taliani in Santa Catarina, soratuto ´ntel Vale del Fiume Itajaí. La cultura del tabaco ghe fasèa bisogno de tanta manodopera e i migranti i ga trovà qua un laoro e na rèndita.
Oltra de el tabaco, i migranti italiani i lavorea anca co altre culture, come el cafè, ue, fruti vari, formento e granoturco. Anca la creassion de bestiame, come porsèi e galine, i zera usual ntei poderi de i migranti.
I primi ani de vita de i migranti in Santa Catarina i ze stà pien de dificoltà e privassion. Le condission de vita le zera mìsere e tanti de lori i ga sofresto de problemi de salute, soratuto par le condissioni sanitàrie scarse.
Ma, con el tempo, i migranti taliani i ze rivài a sistemarse e a adatarse a la nova realtà. Lori i ga fondà le so colònie, i ga fato le so case e le so cese e i ga mantegnù le tradission culturai e religiose. La presensa dei migranti taliani in Santa Catarina la ze ancora forte incòi.
Alcuni dei primi nuclèi de colonisassion de taliani in Santa Catarina lori i ze stà fondà in cità come Tubarão, Laguna, Orleans, Urussanga e Criciúma. Con el passare de el tempo, altre zone del stato anca lore le ga ricevesto migranti taliani.
A Tubarão, i primi taliani lori i ze rivài ntel 1876 e lori i se ga sistemà ´ntel posto che i ghe dise Sertão dos Corrêa, dove lori i ga fondà la Colònia Nova Itàlia. Qua lori i ga inisià a coltivar ue e a far vin, oltre a piantar grani e far su l’allevamento de porsèi e altre bestiame par la sopravivensa.
In Laguna, i taliani i ze rivài verso ´ntel 1875 e lori i ga sistemà in Capivari de Baixo. Qua anca i lavorea in agricultura, piantando soratuto granoturco, fasòi, patate e ortai.
In Orleans, i primi taliani i ze rivài ´ntel 1879 e lori i ga fondà la Colònia Nova Veneza. I lavorea soratuto con el cafè e anca in fornaie, a far matoni e teie de baro.
A Urussanga, i taliani lori i ze rivài ´ntel 1878 e i ga fondà la Colònia Nova Trento. Qua i lavoreva soratuto co le ue e el vin, oltre a piantar grani, fasòi e ortàgi.
In Criciúma, i primi taliani i ze rivài ´ntel 1890 e i se ga sistemà in Rio Maina, ndove lori i ga fondà la Colònia Nova Roma. Qua i lavorea con le ue e el vin, oltre a piantar fasòi e grani.
Col passare de i ani, l’emigrassion italiana la ze andà in tuta Santa Catarina, e i migranti lori i ga aiutato formar la cultura e l’economia de la region. Incòi, in tante cità de Santa Catarina, la ze facile trovar l’influensa de la cultura taliana, sia in cusina, ´ntele tradizioni religiose o anca ´ntel ’architetura.
Alcuni soranomi comuni tra i pionieri taliani che lori i ga sistemà in Santa Catarina i ze:
Bazzo: Vèneto. Comandolli: Trentino-Alto Adige. Dalçoquio: Trentino-Alto Adige. Dalsóquio: Trentino-Alto Adige. Delazzeri: Vèneto. Delaurenti: Lombardia. Dengo: Campania. Farias: Vèneto. Fiamoncini: Trentino-Alto Adige. Fontanive: Vèneto. Gasparin: Vèneto. Grando: dal Trentino-Alto Adige. Meneghel: Vèneto. Panizzi: Emilia-Romagna. Sartor: Vèneto. Sgrott: Trentino-Alto Adige. Slongo: Trentino-Alto Adige. Zanatta: Vèneto. Zucco: Vèneto.
Sti qua i ze solo arquanto de i tanti cognomi de i pionieri taliani che lori i ze rivài in Santa Catarina.
