La Vita del Dr. Martino: Un Mèdego Italiano ´ntel Brasil - Capìtolo 1

 

La Vita del Dr. Martino: Un Mèdego Italiano ´ntel Brasil

El zera el ano 1898, l'arivà de un novo sècolo se avissinava e con lui i abitanti de la regione del Véneto lo aspetava con tanta speransa e fede in zorni meior. Ghe zera passà pì de trenta ani da la fin de le sanguinose guere de indipendensa e da la formasione del Regno d’Itàlia, che el ga sconvolto el paese dal nord al sud. Le condission de vita del pòpolo véneto, come anca de le altre regioni italiane, le pegiorava ogni zorno. El paese continuava indrio rispeto a la maior parte de i paesi europei, enfrentando carestie, calamità naturai, e la rotura de le rese agrìcole per la crudeltà del clima. Anca el preso dei sereai el cascava, per la importassion de grano che vegniva da l’Stati Uniti e dal est europeo. Era quasi la fin del XIX sécolo, e l’Itàlia pativa ancora per l’aretrato de la sua industrialisassion e i mètodi de produsione ultrapassà.

De un altro lato, l’aumento de la populassion ´ntei ùltimi ventisinque ani de sto sècolo eserssitava na forte pressione su le sità. Queste no podéa assorbire tuta la manodopera sensa lavoro che scampava dai campi in serca de una oportunità. El Véneto e le altre regioni italiane, principalmente quele pì a sud, ghe assisteva da pì de venti ani a un vero ésodo de la loro populassion verso i novi paesi oltre el osseano, specialmente el Brasile, l’Argentina e i Stati Uniti. Sta fuga de milioni de disperai no la zera pì solo dei poveri contadini e artigiani che scampava da la fame. L’includéa anca la classe mèdia de sta regione, con gente che gaveva casa e a volte lavoro, benché mal pagà.

Martino, un giovane mèdego de 32 ani laureà ´nte la famosa Università de Medicina de Padova, con specializassioni in chirurgia general e ostetrìssia a Napoli, decise de lassiar tuto e seguir la corente umana verso el Novo Mondo. Martino el zera nato in 1866 a Napoli, ´nte na famèia rica de vèci padroni de tere a Treviso. So pare, adesso in pensione, el zera un famoso avocato che gaveva fato fortuna con el so stùdio legae. So mare, véneta de origine, la zera na erede de na influente famèia de antichi mercanti venesian con tere atorno a Treviso.

Martino el zera un’aventuriero nato, eretà de i so antenati naviganti, e non el vardava pì futuro in sta Itàlia. Però, el zera so lato umano, la so forte vóia de aiutar el pròssimo, che la ga spinto a lassiar el conforto e intraprendere la via de l’emigrassion. Una persona sensibile, el poteva vardar ogni zorno i treni che i portava via poari contadin verso el porto de Genova. Curioso, el dessise un dì de far anca lù sto viàio. Quel che lu el ga vardà e sentìo le ga fato dessidar de aiutar sta gente come podéa.

De tempo lu el avea sentìo parlar de sità formà quasi totalmente da véneti emigrà ´ntel sud del Brasile. Lu el ga savùo che sta gente ghe mancava tuto, specialmente servisi sanitari. Tanti i moriva per la mancansa de mèdichi e ospedali. El Brasile el zera un paese grande e rico, na repùblica nova, con solo nove ani de esistensa dopo del impero.

Preso sta dessision difìssile, Martino lu el ga contà a so pare. El vècio avocà, al inìssio, no el gaveva piassù tanto la dessision del so fiol, ma con l’aiuto de so mare e vardando el spìrito umanitàrio de Martino, el gaveva benedeto la so via. Anca el gavea dato a Martino parte de l’eredità, così el podéa mantenirse finché no trovava fortuna nel Novo Mondo.

Con la benedission dei genitori e i schei in tasca, Martino lu el zera pronto per andar in na sità nova, che fin a poco tempo fa la zera na colónia, ma adesso, con nove ani de esistensa, la zera in gran sviluppo e emanssipà.

Nota de l'Autore

"La Vida del Dotor Martino: Un Médego Talian intel Brasil" la ze un romanso inventà ispirado al rico contesto stòrico de l'emigrassion italiana al Brasil a la fin del sècolo XIX. Ben che i cenari, i eventi stòrici e le circonstanse socioeconòmiche descrite ghe sia basà su fati veri, i personagi e le sue stòrie le ze tuta 'na criassion de l'imaginassion de l'autore.

Sto libro el serca de esplorar la forsa umana in meso a le adversità e la resilensa de la zente che la ga lassà la so tera par sercar un futuro pì beo. El protagonista, el Dotor Martino, el ze 'na figura inventà, ma la so aventura la rapresenta i sforsi de tanti che i ga inissià 'sta strada verso tere sconossue, con i so sòni, speranse e la voia de rifar la so vita.

Scrivendo 'sta stòria, spero che chi che lese el se trovi transportà a un tempo de trasformassion, sfide e trionfi. Che el possa sentir el peso de le decision che le ga formà le generassion, la nostalgia che la riempiva i cori e la determinassion che la ga spinto òmini e done a sfidar l'insserto.

Questo xze, prima de tuto, 'na dèdica al coraio, a l'umanità e al spìrito d'aventura che i ga definì un capìtolo cusì importante de la stòria de do paesi, Itàlia e Brasil, che i se ga intressià par sempre con l'emigrassion.

Con gratitudine par aver inissià 'sta strada,

dott Piazzetta

Dal Altro Lato de la Tòla

 

Dal Altro Lato de la Tòla

Ntel momento che el vècio dotor el se gà catà sentà da l´altro lato de la tola de esami, na torenta de emossioni ghe sbatiò la mente. Par desséni, lu el zera stà là, nel ruolo de curador, tenedor del sapere e del poder de calmar el mal de l'altri. Ma adesso, davanti a la malatia che lo ghe capitàva, el se sentiva impotente e dèbole, afrontando la so fragilità umana.

Lungo la so cariera, el dotor el gà vardà tante volte la paura e l’angòscia su la cara de i so maladi. Lù ghe dava pace, i parlava par confortar e ghe sercava solusion par i so afani. Ma adesso, l'era lù che sentiva l'inquietessa passar ogni fibra del so corpo. Come se el sapere e l’esperienssia cavài in tanti ani no fusse bastanti par afrontar l’incertessa bruta che lo circondava.

La sensassion de fin, che prima parea lontana, adesso batéva a la so porta de un modo sicuro. La mortalità, che l’aveva visto con tanto coràio nei altri, la fasea adesso paura nela so vita. Pensieri storti ghe paseava per la testa, domandando el senso de la so esistensa e el segno che l’avaria lassà dopo de lu.

Avessuo a èsser quel che stava tra la malatia e la guarission, el vècio dotor adesso se trovava ´ntel bel meso de un conflito. El saveva che, come malado, el dovéa fidarse del colega dotor, ma 'na parte de lu ghe rodea lassarghe el governo. Parché, par ani e ani, l’era stato el protagonista de le decision mèdiche, portando i so maladi verso la guarission. Adesso, la stòria la zera cambiada e el se trovava in una posission de dependenssia.

L’impotensa davanti a la malatia la zera na roba pesante de portar par quel vècio dotor. El se vedea davanti a la so debolessa fìsica, la incapacità de comandar el so corpo e tuti i eventi che se fasea drento. Come se na tempesta tremenda ghe fusse entrà in casa, lassandolo soto le forse invisìbili che el no conosséva.

Fra sto mare de emossioni, el vècio dotor sercava na bóia, na fonte de speransa che ghe desse forsa par afrontar ‘sta nova realtà. El gavea in mente i momenti in che l’avea portà guarission ai so maladi, e questo ghe dava forsa de crèder che anca lù podesse trovar el so camin de superar. Par quanto fusse dura ametar la so debolessa, el savea che el dovea fidarse del proceso mèdico e lassar che altri lo curesseno.

Mentre che l’aspetava la visita con el so colega, el vècio dotor pensava a la importansa de la empatia e de la compassion nel far el mèdico. El capiva adesso, pi che mai, quanto l’era importante curar no solo i sintomi fìsici, ma anca le emossion e le paure che se mostrava nei maladi. El saveva che ogni persona che entrava ntel so studio gavea una stòria ùnica, come che adesso anca lù gavea la so.

Via via che la visita se faseva più vicina, el vècio dotor sentia un misto de paura e speransa. El capia che el camin verso la guarission el zera deciso a andarghe incontro con la stessa forsa e coràio che l’avea mostrà ne la so vita de dotor. El saveva che, sebbene adesso l’era malado, el gavea anca lù un ruolo ativo ´ntela serca de la so salude.

Quando che l’entrò nel stùdio, el vècio dotor ghe dava uno sguardo al colega con gratitude e fidúcia. El riconosseva quanto l’era importante aver vicino qualcun che capisse la complessità de la so situassion e che ghe desse el cuor e el cuidado. In quel momento, el sentiva na conession forte con tuti quei maladi che l’avea guarì negli ani, una comprenssion viva de quel che vol dir esser da l’altro lato de la tola.

Mentre che el dotor inissiava a spiegarghe la so situassion e a mostrarghe le so paure, lù sentiva un senso de pace. El capiva che la so vóse no l’era solo ascoltada, ma anca apreciada. El so colega mostrava vero interesse e empatia, confermando l’importansa del raporto tra mèdico e malado e la necessità de un apròssio completo a la salude.

Andando avanti con la visita, el vècio dotor provava un misto de emossion. Da una parte, ghe zera la tristessa e la frustrassion par no poder pi far el so laoro come prima. Da l’altra parte, ghe zera una nova apressiassion par la debolessa e un capir pi fondo del mal umano. El savea adesso che far el mèdico no el zera solo meter in pràtica el sapere scientìfico; el zera anca èsser presente par l’altro, compartir el so dolore e dar el sostegno anca quando no el podéa guarir.

Con la visita la zera quasi finìa, el vècio dotor se sentia riconoscente par l’esperienssia. El capia che, anca se el zera malado, ghe zera ancora tanto da imparar e da dar al mondo de la medicina. El se rendeva conto che, no importa che ruolo el gavea – mèdico o malado – la via del cuidar e guarir la zera un far a do, na dansa delicata tra sapere, empatia e umiltà.

Alsandose de la carega, el vècio dotor sentiva na nova forsa. El saveva che la so lota contro la malatia saria dura, ma el capiva anca quanto la zera importante ‘ciaparse ogni momento, de abraciar la vita con gratitude e de tener cari quei raporti umani che gavea senso a l’esistenssa. Con un soriso in boca e l’òci pieni de speransa, lù ussì dal stùdio, pronto a sfidar i pròssimi ostàcoli, con la certessa che, anca dal altro lato de la tola, lù podéa ancora lassar un segno profondo nel mondo de la medicina.