L'Emigrassion Véneta e i
Preparativi par el Gran Viàio
Nel dì segnà par scominciar el viàio, con el destino al porto de Zénoa, se salutava un'altra volta pien de emossion da i parenti che i ga restà. Partìa de bonora, con el cor ingropà e i oci imbevù de làgreme, lassando ‘na última, longa ociada indrio prima de incaminarse verso el so destino. Rivava a la stassion de'l treno e, come tanti altri che i gh'era là, i continuava verso el porto de Zénoa.
Durando el tragito, ad ogni stassion dove el treno se fermava, tanto che sia del Véneto che de altre provìnssie de la Lombardia, se ripetea sempre la stessa scena: decene de òmeni, done e putei che saliva carghi de bagài drento a cassete de legno e valisie de carton. Una volta deciso de emigrar e dopo aver dà i nomi al sensar, el rapresentante de la compagnia che preparava el viàio, la prima roba da far la zera de trovar el passaporto par tuta la famèia. Par cavai 'sto documento, bisognava una carta de la comuna de'l so paese. Dovea anca vegnir vacinà, un obligo par chi partiva.
I preparativi durava mesi, i scominsiava con la vendita de tuto quel che no i podea portar con se. Vesti, robe de uso personal, strumenti musicali e utensìli i ea metesti dentro a casse de legno, baùli, arche e sachi. Se trovava con chi restava, un'ocasion par dir ciao a i amighi e parenti, senza scordarse l'ultima visita al cimetero de'l paese, par dir un adio sentìo a chi i volìa ben e che ea già andà via.
Lori i ndava a trovar anca el pàroco de'l paese, par ciapar la benedision e domandar interssession par afrontar la longa e sconossùa traversada che i gh'ea davanti. Tante volte partiva vile intee, con el pàroco che caminava avanti a tuto el grupo. A volte i partiva de note, con lo scuro e in silenssio, come se fossi in guera e el nemico in atesa. Tante volte centinaia de persone se muovea insieme, piano, al son de i campanéi, come se fusse una gran festa. Davanti a tuto el grupo, par tirar drio la marcha, ghe gera un gran croseo o el stendardo de un santo che i emigranti i gavera portà in tera nova.
Par la gran parte de 'sti emigranti, 'sto viàio fino a la stassion de'l treno ea già la distanza pì lunga che i ghea mai fato dai so paesi. Anca el treno l'era sconossùo par la magior parte de lori, e 'sta novità i ghea dà ansia e paure.
El destino par tuti i véneti ghe zera el Porto de Zénoa, e quando lori i rivava là, par la prima volta tanti de lori i se trovava a vardar el mar.
