La Fin de na Promessa
In un pìcolo paeseto visin a Cesiomaggiore, con le maestose montagne dolomitiche in fondo, in provìnsia de Belun, region de el Veneto, Giovanni e Maddalena lori i vivea modestamente, ma con dignità. Pìcoli agricultori, i lavorea come mesadri per un grosso paròn de tere. Lori i ga passà i zorni a ténder la proprietà e el bestiame del paron, ma quel che lori guadagnava no bastea per mantgner la famèia. La situassion in Itàlia la zera diventà sempre pi difìcile. Le racolte scarse, l'aumento de le tasse e la mancansa de mèio oportunità fasea crescer el desespero. Anca la fame la ga passà drio in qualche casa. In quei ani ghe ga scominssià a rivar notìssie de tere fèrtile promesse dal goérno in Brasil, ndove un omo de laor i podea farse na fortuna.
Giovanni, con el cuore spartio tra la speransa e la paura, el ga deciso de emigrar. Lu el ga vendesto tute le robe che lori i gavea per pagar el viàio e, con poche robe, lori i ga embarcà da Gènova su un barco straco, pien de altri taliani anca lori disperai per na vita nova. El destino? La colònia Nova Itàlia, a Morretes, intel stado de Paranà.
El viàio per l'Atlàntico el ze sta longo e soferto. Ntela stiva del barco, le condissioni le zera insalubri, e tanti di loro i se ga malà. Maddalena, gràvida, la sofrìa de fastìdio contìnuo, ma lei no la perdea mai la speransa. Giovanni, par so volta, tentava de mantégner forte, ma le incertesse lo rodea. Cossa che ghe aspetea veramente de là del oceano?
Dopo setimane de traversata, lori i ga vardà el porto de Paranaguá, ma prima lori i zera passài ´ntel porto de Rio de Janeiro, dove lori i ga regularisà la situassion ntel paese. Lori i ga sbarcà con solievo, ma la realtà i ga tocà sùbito. Le promesse de tere fèrtili e de una vita pròspera a Colònia Nova Itàlia la se ga dimostrà presto na gran ilusione. El breve viàio tra Paranaguá e Morretes el ze sta segnà dal silensio preocupà. Quando lori i ga rivà ´ntela colònia, i ze stai acolti da un panorama desolante: la tera la zera ingrata, coerta de vegetassion spessa e de tante piere. El clima càlido tìpico del litoral propissiava la presenssa de inseti de ogni tipo che i molestava la vita de tuti. Tra quei, i moschetin e i bissi de piè lori i zera i pi cativi. Le feramente che la aministrassion i ghe ga fornì i zera poche, mancava el magnar, i semi e l'aiuto de la colònia promesso el zera inesistente.
Ntei primi mesi, Giovanni e Maddalena lori i se ga batù per sopravìvere. Lori i ga butà zo àlberi, i ga drenà paludi, i ga brusà la foresta e sercar de preparar el tereno per el cultivo. Le promesse de aiuto no i se realisava mai. I vìveri i zera pochi, e la salute de Maddalena, debilità per la gestassion e la strachessa, lori i ga scominssià a complicà. Giovanni fasea de tuto, ma el se sentìa impotente davanti al soferimento de la so mòier.
Quando finalmente el primo fiol de la copia ´l ze nassesto, la giòia la ze sta inuvià da la mala nutrission e da le malatie che devastea la colònia. Tanti migranti come lori, i ga za lassà el posto in cerca de mèio condissioni in altre parti del Brasil. Giovanni, però, el esitava a lassar sta tera per la quale i ga tanto lotà.
La colònia la ga scominssià a desfarse, secondo i discorsi tra i coloni, per la cativa aministrassion. Le famèie che resistea ancora combatea contro la mancansa de magnar e la solitùdine. I raconti de la rovina de la colònia Nova Itàlia i ga scominssià a circolare, e presto la ze sta chiaro che el proieto el zera destinà al falimento. Giovanni, con el cuore pesante, el se ga reso conto che no ghe resteaa altra da far che andar via.
Diverso de tornàr drio a Paranaguá, come i ga fato tanti, Giovanni e Maddalena lori i ga deciso de 'ndar su per la montagna ciamà "Serra do Mar". Scoltando storie de i strasser quando che lori i pasea de là e anca de altri coloni che i ga trovà mèio oportunità ´ntele tere fèrtili ´ntela periferia de Curitiba, lori i ga deciso de provar fortuna ancora na volta. Con el fiol in brasso e quel poco che ghe restà de le so economie, lori in treno i ga afrontà la rìpida e difìcile salita de la montagna.
Quando lori i ga rivà a la periferia de Curitiba, i ga trovà tere in venda. Anca se lori i zera semplici tereno ancora no disboscà, ste tere le zera ben fèrtili e rapresentava na nova possibilità. Giovanni e Maddalena lori i ga comprà un pìcolo loto e i ga scomenssià de novo. La vita in la capitale del Paranà no zera mia fàcile, ma Giovanni e Maddalena, con tanto laor e determinassion, lori i ga scominssià a coltivar el tereno che i ga comprà. El clima el zera molto bon, molto someiante a quelo che lori i ga lassa ´ntel loro paese di nàssita in Itàlia. I se ga dedicà al cultivo de ortagi e altri prodoti agriculi, trasformando el tereno, che prima el zera un bosco, in un pìcolo giardin prodotivo. Ogni dì lori i ga cargà la careta con le so racolte fresche e, invese de vender al marcà locale, percorendo le strade de Curitiba, Giovanni e Maddalena i vendea direto ai consumatori. Lori, con na careta e caval, i andea porta a porta, visitando i clienti che presto lori i ga scominssià a fidarse de la qualità de i prodoti che i ghe vendea. La relazione streta con i clienti e l'atenssion ai detàlie i permetea che, anca nei tempi pi duri, ghe fosse sempre domande per lori prodoti. El guadagno, anca se modesto, el zera bastante per mantegner la famèia e darghe na vita dignitosa.
Con el tempo, quel che i ga scominssià come una semplice tentativa de sopravìvere se la ze trasformà in na base sòlida per el futuro. Giovanni e Maddalena lori i ga finalmente trovà la prosperità che tanto i ga sercà, no ´ntele promesse grandi de na volta, ma ´ntela umiltà de un laor duro e nel amor per la tera.
Con el passare dei ani, Giovanni e Maddalena i se ga integrà ´ntela comunità de altri migranti taliani nela zona, metendo radise e vardando la so famèia ingrandirse. La rovina de la colònia Nova Itàlia la ga restà ´ntel passà, come un ricordo amaro de un sònio che no se ga mai realisà, ma anca come un sìmbolo de la so resistensa.
Così, in un novo canton de Brasil, Giovanni e Maddalena, come tanti altri migranti, i ga par fin trovà un posto che lori i podea ciamar de casa. Lori i savea che la vera richessa no zera ´ntele promesse de tere lontane, ma ´ntela capacità de superar le dificoltà e construir un futuro, anca quando i sòni originài i se desfà.
