Alcune Diferense tra i taliani ´nte
l´Argentina
Na ricerca interessante sui taliani in Argentina riguarda la diferensa tra i grupi che vien fora de le vàrie region taliane. Un aprocio regionae el ze un campo prometente e rico che pol respondere a domande che le anàlise a livelo nasionae no le riesse a satisfare. La dimenssion regionae, alora, la ze pròprio ideale par fare ricerche comparative dentro una nassion o tra diverse nassioni.
Confrontando i emigranti taliani del Nord e del Sud, se pò vardar che i liguri e i piemontesi i se integra ben ´ntel setor agrícola, diventando presto paroni de tera e formando vere colónie. I liguri, con la so esperiensa ´nte la navigassion, i va pian pian ´ntel comèrssio sul fiume e in poco tempo i ga el control del porto de Buenos Aires.
I taliani del Sud, specialmente i calabresi e i siciliani, i partecipa meno a fondar colónie o associassion de mùtuo socorso. Preferisse lavor manual e zornaliero, rimanendo de sòlito operai o garsoni, sensa granda ambission de scalare socialmente.
Un altro aspeto interessante lu el ze el comportamento ´ntei matrimoni tra i taliani. La famèia e la comunità i ga un ruolo sentral ´nte la scelta del sposo o sposa, sia par conservar la cultura d'origine che par mantegner vive le tradission. L’endogamia la ze comum, mentre l’esogamia la ze manco frequente, almanco ´nte le prime e seconde generassion de emigranti, che preferisse sposar persone de la stessa region, provìnsia o magari paese talian.
