La Tenassità de ’na Contadina: La Stòria de Anna Rech
Tra el 1875 e el 1933, quasi do milioni de taliani i ze vegnù in Brasil. La maioransa vegniva dal Nord Itàlia, sora tuto dal Véneto. Tra i véneti, tanti vegniva da le provìnsie de Treviso e Belluno, ndove i girava quei agenti del goerno brasilian, contando le maravèie del Brasil: ‘na tera granda, co ’l clima bon, richessa par tute e laoro par chi che voleva. Lori i disèa che el Imperador del Brasile, maridà con ’na taliana, pagava tuto el viàio.
El sònio de l´Amèrica gavea piasesto tuta la zente. Paesi interi i ga restà deserti e cantava:“Eviva l’Amèrica! Se granda cucagna! Se beve, se magna, e alegri se stà”. Ma stavolta no zera ‘na emigrassion par ritornare. La zera na emigrassion sensa biliete de ritorno. Par andà in Brasil zera par restare. Da qualche paese del Véneto, i se portava anca el prete e i campanèi!
A Seren del Grappa, drio Feltre, el paese el ze restà quasi voto. Tra quei che i ze partì, zera Anna Pauletti Rech, na védova de 48 anni, con soi sete fiòi. El pì grande gavea 26 anni, i altri i zera pì zovani, e due bambine gavea problemi: ‘na zera zorda e muta, e l’altra no stava tanto ben de testa. A Genova, al porto, l´autorità no i voleva dar el visto par lore, ma Anna, con ‘na testardessa granda, la ze riuscì a portar tute le do con lei.
Dopo un viàio in barco lungo e pesante de quasi do mesi, lei ze rivà in Brasil e mandada in Campo dos Bugres, Rio Grande do Sul. Una zona de foresta granda, con i bugri (indios). In Colónia de Caxias, dove ze stà diviso tuto in 17 loti de tera de 25 etari.
Verso la fine del sècolo, alora con 70 ani, lei i gaveva già dà el nome al paese: Ana Rech. No se sa tanto de lei, ma se conta che vendeva vin e formàio. In Brasil, se lavorava tanto, ma la fame, come in Itàlia, no la ze mai stada.
Nei ùltimi ani, con quasi 90 ani, Anna la ga fato construir la cesa e la scola del paese. ‘Na fiola sua se ga maridà con ‘n brasilian rico.
Ancòi, Ana Rech el ze un distrito de Caxias, con 20 mila abitanti. Ze conosudo par i merleti, le carege impaià e le fàbriche. In 1977, i ga celebrà el sentenàrio de Anna, metendo ‘na stàtua davanti a la cesa de Nostra Signora de Caravaggio.
