Na Vita de Fortuna e Sacrifìssio

Na Vita de Fortuna e Sacrifìssio

In 'na matina freda de marso del 1893, i fradei Filippo e Giuliano Bertelli lori i parte de la pìcola vila de Castellorosso, in la provìnsia de Mantova, con el cor spartì tra la speransa e la nostalgia. ILori i zera do de i sete fiòi de na tradisional famèia de contadini che, benché i gavea le tere, i sentiva el peso de la crisi agrària e de le incertesse che ghe zera in Itàlia in quei ani.

El destino de i fradei el zera el Brasile, na tera distante e avolta de mistèrio, ma che ghe prometea oportunità par i coraiosi. Intela vila, le stòrie de compaesani che i zera rivà a crusar l'Atlántico par catar na vita mèio i se contava tra la zente, aumentando sòni e ambission. Filippo, el pì vècio, el vardava l'aventura come 'na oportunità par ingrandir i orisonte de la famèia. Giuliano, par contro, el desiderava de costruir qualcosa de so, fora de l’ombra de le generassion passà.

Dopo setimane de na traversada dura su l'osseano, la nave la ga fermà a Santos. El caldo pesante e i odor de spesie e cafè i zera un contrasto forte con i campi fredi e de nèbia de Castellorosso. I do i va verso la zona de Vila Bela, che dopo i ghe va ciamà Ribeirãozinho, atirà da la presensa de altri mantovani che i zera za sistemà là.

Filippo, anca se lu el zera un contadino, el se ga mostrà bravo ´ntel comèrssio. El scominsia picin, cambiando strumenti e utensili in le fiere del posto. In poco tempo, el verze un picin negòssio che vendeva de tuto: ceramiche, piati, bevande e material par l’agricoltura. Lu el zera un omo de vision. Notando el potensiale de la region par la produssion de seda, el porta da l'Europa el saver su el cultivo de le more e i bachi da seda. Sta novità la trasforma la region, dando la possibilità a tante famèie de catar na renda.

Giuliano, con un spirito pì pràtico, el investe in l’agricoltura e ´ntel processo del café. El compra na machina par netar e preparar i grani, che la diventa presto indispensàbile par i contadini del posto. El so magasino el zera sempre pien de sachi de café che i se carreghava su le cariole e i lavoradori che i zera in fila par scaricar.

I ani dopo i porta prosperità, ma anca tante sfide. In 1913, Filippo, oramai sposà e con cinco fioi, el decide de tornar provisoriamente in Itàlia par sistemar robe de famèia e far vadar a la so mòier e fiòi da ndove che i zera rivai. Ma la Prima Guerra Mondiale la cambia tuto. Mobilisà ´ntel esèrcito italiano, el va su el front alpin, ndove el vive orori che no el ga contà mai a nessun. Solo in 1919, con la guerra finida, Filippo el riesse a tornar in Brasile. Là, el se cata papà de novo: el sètimo fiol el nasse mentre el zera via.

Giuliano no la ga avù la stessa fortuna. In 1920, el more par na febre forte che la ghe ga cavà la vita de colpo. La so morte la lassia un vodo grande ´nte la so famèia e in la comunità. La so dona, con sete fiòi, la ga da gestir le tere e el magasino, afrontando con coràio e determinassion i problemi de l'epoca.

Col passar dei ani, i dissendenti de i Bertelli i se spandissi in tante sità del interior paulista, portando con lori el lassà de duro lavoro e inovassion dei pionieri. Qualchidun el resta in l'agricultura, altri i prova strade diverse ´nte l'industria, ´ntel comèrssio e ´ntele arte. Castellorosso, con i so ricordi de le coline verdi e campi de trigo, la resta viva ´nte le so memòrie e ´nte le reunion de famèia, come 'n ricordo de tuto quel che i ga conquistà e perdù in sta strada de fortuna e sacrifìssio.

Nota de L´Autore

"Na Vita de Fortuna e Sacrifìssio" el ze un raconto de imaginassion, ma le figure e i eventi de la stòria i ze inspirà da i testimoni de vita reale de tanti imigranti italiani che i ga traversà el osseano 'ntel sècolo XIX. Sto perìodo, segnà da la crisi agrària, la miséria e le sfide sossiai in Itàlia, el ghe ga fato catar a milioni de persone la speransa in tere lontan, ndove ghe parea de èsser oportunità par un futuro mèio.

I fradei Filippo e Giuliano Bertelli no i ze mai esistì de vero, ma le so stòrie i ghe fa eco a quelle de tanti altri che i ga lassà paesi e famèie in serca de fortuna. I Bertelli i ze na rapresentassion de quei pionieri che, con coraio e determinassion, i ga trasformà tere estrane in case nove, afrontando dificoltà imaginàbili.

Scriver sta òpera el ze stà na ocasion par onorar la memòria de quei imigranti che i ga segnà la stòria con la so resiliensa, la so creatività e el so spìrito de sacrifìssio. Con sto libro, speremo de regalar a i letori no solo 'na finestra su el pasà, ma anca un momento de riflession su el valor de le radisi, de la famèia e de i sòni che ghe spinta avanti anca 'nte le situassion pì dure.

Da Pederobba al Alaska par Catare l’Oro

 

Da Pederobba al Alaska par Catare l’Oro

Giovanni Dalla Costa e la so famèia lori i ze vivesto a Pederobba, un pìcolo comune de la provìnsia de Treviso, za su el confin con Belùn, a fianco de la strada feltrina. El ze nassesto nel 1868 in una famèia de pìcoli agricultori. Laorava con i so genitori su tereni in afito, al piè del monte Monfenera. La situassion econòmica dea so famèia la zera paregià a quela de tanti altri agricultori de la contrà, e lui no i gà mai pensà de emigrar, come tanti altri che già son ‘nda via. De boto, na note d’autono, un gran fogo el ga brusà la casa e tuta e la resa messa ´ntel paiol. L’è restà mìsero de colpo. El gà sercà aiuto dal goerno, lu el gà provà a domandar schei ai banchi, ma no’l gà mia trovà quelo che ghe servia, e, con gnente laoro, l’è stà sonià de andarghe via d´Itàlia anca lu. Nel 1886 Giovanni el ze partì solo par la Frància do ghe ga trovà un laoro ´nte na mina, cussì el pò mandarghe dei schei a famèia restà a Pederobba. No sodisfà, el gà pensà de ‘ndar so Amèrica, ´ndove ghe ze grandi oportunità par chi gà vóia de laorar, magari anca da farghe fortuna. El ze ‘nbarcà al porto de Le Havre, in Normandia, con el destino de Nova York. Rivà in quela, sùito el sente dir de la Califòrnia, de là de Amèrica, ´ndove ghe ze tante mine d’oro. El ze montà su de primi treni par ‘ndar fin là, ma na volta rivà, el scopre che la corsa al oro, la ze inissià vent’ani prima, adesso l’era finì e se vol viver, ghe toca laorar. Trova un laoro come minerador pagà in na mina su in Montana, verso le Montagne Rossose, su a cofin col Canada. Quando el ze rivà, sente dir che in Alaska ghe ze la nova corsa al oro dei Stadi Uniti. Volendo far fortuna, Giovanni, oramai ciamà da tuti Jack, decise de andar sùito a quela tera lontana e sconossua, coperta de giasso par bona parte de l’ano, in serca de na vida nova. La febre de l’oro lo gà oramai tacà. Sbarcà in Alaska, el se meti a caminar in drento par quel grandìsimo teritòrio, a piè, a cavalo, in canoa, in compagna de altri aventurieri come lù, anche lori presi da la febre del oro. Ghe feci amissìssia con un emigrante talian de Mòdena, che l'avea ormai 'ndà a catar la so fortuna, a cavar oro. Poco dopo ghe ze rivà anca so fradeo Francesco. Par ani lori percori na gran strada, tra fiumi con barche e foreste con slite, montando sui monti coperti de neve ´ndove che a temperatura la cascava fin a meno trenta ´nte l´inverni. Lori i magnava carne seca e fasòi in tende poarete che ghe protegea poco dal fredo. Ma quando vinìa el istà, i ze becà da nùvole de moschetin. Durante i spostamenti, lori i se fermava ogni tanto par esplorar el tereno congelà che par cavar fora ghe serviva far gran fogassa par squagliare el giasso. Da i nativi lori ga imparà a laorar sensa sudar, che seno la piel sudada la zera sùito congelà. Dopo do ani de soferense, riva al fin el zorno tanto sonià su la riva del Yukon, ndove lori i gà trovà tanto oro. La località ze ciamà incòi Fairbanks, e là ghe ze un busto e na targa con el 9 Aprile del 1903. Rico, el gà deciso de tornar in Itàlia, ma a San Francisco el ghe vien ciapà via tuto el so oro e ghe toca tor el viàio fin Alaska par cavarghe n’altra volta. Dopo un ano el ze na volta ben rico e così torna a so Pederobba. Quando el ze rivà indrio nel 1905, dopo quasi venti ani, nessun ghe crede a sta so stòria, ma quando el inisia a comprar case, campi, e depositar monede de oro in banco, tuta la gente lo ciama come ‘na legenda. Inte'l mentre la so famèia se gà desfà, pieni de dèbiti che no i gà podesto pagare. So fradeo Jacomo emigra in Frància, do ghe se marida con na francesa e de lori no se sa gnente. So mare, so pare, on fradeo e na sorea, vendù quel che gà restà, e lori i ze emigrà su Montevideo, in Uruguay. Qualche tempo dopo lori i riva fin Rio Grande do Sul dove a sorea la morì con tanti tribolasioni. Dopo, i pochi che i gà restà in famèia, aiutà da Giovanni, trova posto in Guaporé, con un pìcolo albergo. Giovanni el ze a Pederobba e poco dopo el vien ragiunto da so fradeo Francesco. Tuti e do decide de maridarse. Giovanni se sposa con Rosa Rostolis e lori i gà fato un grande viàio, par tuti i posti che lù el gà conosuo, fin a Fairbanks in Alaska, sempre stanzo ntei alberghi de lusso. De sto matrimónio lori i gà on fiol e quatro fiòle. Giovanni a Pederobba se laora a s’occupasion dei so beni e laora su campi su quel comune. So fradeo Francesco el sposa Maria Poleselli, lor i gà de pìcoli e torna ‘ndrio in Alaska, poì pì tarde el va in Roma e dopo se trasferise in Toscana. Quando scòpia la Prima Guerra Mondial, con la rota del fronte italiano a Caporetto, el fronte se desloca e se ferma lungo a lìnea de Monte Grappa e Piave, e Pederobba se trova in meso ai buti. In freta la famèia de Giovanni la gà dovuo scampar via con quel poco che lori i gà podesto portarse, a riparo in Lombardia, su a Pavia, par pì de un ano, fin la fine del conflito. In sta sità, una de le fiòle la ze morta, vìtima de l’epidemia de gripe spagnola che devastava tuto el continente. Pederobba la zera quasi tuta distruta dai continui bombardamenti dei do eserciti in lota. Trova la so casa mia rovinà, i mòbili o gà roti o rubà. Na cassa con robe de valor che lori l’aveva interrà in orto, l’era stada trovà e piasa via. L’oro deposità ntel Banco de Valdobbiadene el gà stà ciapà dai austriachi. Se trovea ‘n dificoltà anca stavolta. Dopo poco tempo, colpì dal mal de cor, el ze morto a quaranta ani, lasando la famèia in poaretà. Con la crisi del 1929 la sposa Rosa la ze obligà a vender quel che gà restà de campi e anca la casa, morendo nel 1955. Al cimitero de Pederoba ze stà messa na làpide par ricordar sta stòria incredebile.

Riassunto del libreto publicà dal comune de Pederobba.