Dal Vèneto al Brasile:
L'Aventura de la Famèia Speranzetti
La stòria de la famèia de Mario Speranzetti e Angelina Valentinelli la ga scominsià ntei bei campi del interior de la provìncia de Pàdova, in Itàlia, ´ntel ano 1879. Tuti do lori i ze nati ´nte le famèie grandi e poarete, con i so sòni ben piantà ´nte la tera che ze coltivea. I so genitori i zera anca lei contadini, sensa tera pròpria, e gavea dedicar la so vita a laorar par i veri paroni, con i quali gavea sempre dividere le so magri racolte. El sòni de tuti i zera de un di diventar anca lori paroni de le tere che i coltivea, de éssar i so propri paroni, de scapar fora de la misèria e la sotomission, de poder smetere de taser sempre e solo saver laorar.
Tutavia, la situassion in Itàlia, e in particolar intel Vèneto, dove che 'ste do famèie viveva da sécoli, la zera sempre pi scura. La situassion la ze inisià a pegiorar, specialmente par quei pi poareti, dopo la ocupassion de la Serenìssima Repùblica de Venèsia da parte de Napoleon Bonaparte e un'altra volta dopo alcuni ani, co ´l Risorgimento che el ga portà tuta la penìsola al Regno d’Itàlia. I zera do episodi dimorà e complessi, pieni de guere, perìodi dramàtichi e dessisivi par la nassion, specialmente par la zente de le regioni norte e sul de l’Itàlia, che i vivea de l’agricultura. ‘Ste do guere i ga portà a un progressivo impoaremento de tuto el Vèneto. Ne l’ùltimi ani, prima de lori partir en emigrassion, i grani i zera importà de fuori a prèssi pi bassi de quei originai de l´ Itàlia, paese che i gavea na de le agriculture pi débole de tuta la Europa. I contadini italiani i coltivea la tera come che i fasea i so noni un sècolo prima, con i stessi veci strumenti agrìcole e pratiche antiche de laorar la tera. Per pergioar, inte l’últimi deceni del sècolo XIX, várie calamità naturali le ga colpì la penìsola, tra seca, inondassion, slavine e frane, i quali le ga fato calar ancora de pi le racolte. Questo ga fato che tanti paroni, quei che i forniva laoro a tanta zente, i ga dovù vendare le so tere per nò sostener le nove tasse opressive de ´l novo goerno. Questo i ga fato mancare el laoro ´ntela campagna, creando desperassion e soravia la fame. Mario e Angelina anca lori i lavorea par un rico paron de campagna che, visto el stato de le robe, el ga dovù anca lu vendar le so tere e, con tuti la so famèia, andar in emigrassion in Argentina.
E cusì la famèia de Mario e Angelina, valutando bene le possibilità, lori i ga ciapà la difìcile decision de lassar la so tera natia e partir in emigrassion, in cerca de un futuro meio ´ntel altra sponda del mar. In 1892, con i quatro fioi maschi e una putea de nome Chiara, che la gavea solo 2 ani, lori i se ga imbarcà ntel vapore "Giulio Cesare", inisiando un longo e pericoloso viàio verso el Brasile.
La traversada in mare tanto temuda da tuti la ze stai una viàio pieno de sfide, con el mar grosso e condissione mìsere a bordo. Però, la speransa li ga tegnù forti in tute quante le setimane de agonia.
Finalmente, la faméia de Mario e Angelina la ze rivài ´ntel Brasile, sbarcando in un paese novo e sconossùo, che i ga vardado con i oci spalancà già dai primi momenti. El porto frenètico ´l zera quel de Rio de Janeiro, dove i rivea la maior parte de i vapore che portea migranti ´ntel Brasile. Con i pochi schei che el gavea, qualche di dopo i ga dovù far n’altro viàio, ‘sta volta con un vaporeto verso el Rio Grande do Sul, par poi, dopo vàrie peripèsie, rivar finalmente ´nte la Colònia Cassias.
La vita ´nte questa Colònia al prisìpio la zera stai dura, con el clima tropical e la dificultà de adatarse a l’agricultura local. Ma Mario e Angelina lori i zera zente dura e tenace. Con el tempo, i ga imparà a coltivar la tera e a curar el bestiame e i porsei, trasformando el so peseto de tera in na propietà pròspera.
Mentre che Mario e Angelina i se spesea la schena par costruir na nova vita, i so fioi i ze tornai pi grandi. Tommaso, el pi vècio, oramai l’aiutea el pare ´ntei lavori difìcili de la tera, lu zera el brasso destro de la famèia. Mattia, Davide e Lorenzo anca lori i ga imparà el valor de laorar duro. Chiara, che a casa la zera ciamà Chiareta, la toseta che la ze rivai cosi picina in Brasile, la ze diventà granda in uno ambiente de amore e sostegno, diventando una zòvane forte, piena de vita e speransa.
Con el tempo, la famèia de Mario e Angelina la ze diventà parte essensiale de la comunità de la Colònia Caxias, integrài in vàri setori de la società locale. I spartiva con i amici e vicini le so esperiense e le storie vissute in Itàlia, creando legami forti.
Con el passar del tempo, la famèia la ze riuscida a comprarse altre tere, realisando el sogno antico de diventare paroni e lavorar la so propria tera, senza dover dividere pi le racolte con ninsun. La stòria de Mario e Angelina la ze diventà na ispirassion par tanti altri coloni, dimostrando che con el laoro duro e la determinassion, ze possìbile trasformar le adversità in sucesso.
E cusì, la famèia la continuava a scrivere la so stòria ´nte la Colónia Caxias, tenendo viva la tradission taliana e i valori che i gavea portà da l’Itàlia in cerca de una vita meio in Brasile. El viàio de l'emigrassion la ze diventà una stòria de resistensa, sucesso e na grande lession par le generassion future.
I so fioi i ze crèsudi in un ambiente de laoro duro e valori de famèia forti. Tomaso, el più vècio, l’è diventà un omo alto e massissio, che l’aiutea el pare nel lavor pesante e, con el tempo, si ga sposà i ga fato crèscere le tere de la famèia, diventando un rico colono, specialmente con el coltivo de l'ua e la produssion de vin. Matia, fin da toseto, el ga dimostrà talento par el laoro con el legno e el ga portà a far mobili bei e a costruir case par la comunità. Davide, invece, el ga mostrà un talento par l'educassion, diventando maestro ´ntela scuola colonial locale. Lorenso, el pi piceno, el zera conossiù par el so spìrito de aventuriero el ze diventà un esplorador de le vaste tere de la region. Chiara, la tosa più picena, la ze diventà una infermiera, rincurando i maladi ´ntel primo ospedal de la comunità.
La famèia de Mario e Angelina la ga continuà a crèsser e a prosperare, lassando un esèmpio de union, laoro duro e determinassion.
Nenhum comentário:
Postar um comentário