Radìsi Taliane: L’Epopea dei Rinaldo su le Montagne de l’Argentina

Radìsi Taliane: L’Epopea dei Rinaldo su le Montagne de l’Argentina

Inte la sità remota de San José, ´ntela Provìnsia de Mendoza, Argentina, el dì 14 de lùio de 1890, viveva na famèia che merita de èsser contà. Sta stòria la scomìnsia pròprio el dì 14 de lùio de 1890, con Marco e Isabella Rinaldo, coraiosi emigranti taliani che gavè lassià la so tera natia, le verdi pianure del Vèneto, in serca de na nova vita in Amèrica del Sud.

In quei ùltimi 25 ani del sècolo XIX, miliaia de altri compatrioti, dal nord al sud del paese, i gavea za lassià le so vile ´ndove i gavea nassù, cassiati via da la situassion económica difìssil che el novo Regno d’Itàlia gavea portà, e da la volontà de se liberar da sto sistema de povertà e opressione che le so famèie i ghe vivea da desseni.

Marco e Isabella i faseva un par decìso, impasienti de na vita miliore par lori e par i so fiòi. Lori i ga partì da la Itàlia, traversando el mar sensa paura, afrontando i dificoltà de na longa traversada sconossùa e pericolosa. I ga suportà disagi come el poco spàssio, la mancansa de igiene e de bona alimentassion, oltre el male de mar, specialmente ´ntei primi dì de viàio. I sbarca a Buenos Aires el 2 de lùio de 1890. Là, i sono stà recivù da le autorità del governo argentino e da qualchi membri de la comunità de emigranti, ndove i ga passà quìndese dì de quarantena, sistemandose in barache precàrie de legno par i emigranti.

Dopo aver lassà Buenos Aires, i Rinaldo lori i viàia in treno fin a la Provìnsia de Mendoza, pì precisamente fin al pìcolo paese de San José, situà soto la maestosa Cordiliera de l’Andes. Lori i se ga incantà dal bel panorama de le alte montagne, tanto sìmili a quele che lori i gavea vardà ogni dì ´ntela so vila natia, e decise de stabilirse proprio lì.

La region la zera spléndida, con qualchi vigneti zà coltivà che se stendeva fin l’orizonte, e l’ària fresca de montagna che ghe riempiva i polmoni. Marco e Isabella i capì sùito che lori gavè trovà un posto spessiale.

Lori i scomìnssia a piantar vigne, usando le barbatele che i gavea portà dal Vèneto, e pì tardi i se mete a far vin, seguendo la tradission vinìcola de la famèia. Con quel clima seco, con un poco de irrigasione, le vendemie le zera generose, e i vini che i produseva i ga ciapà sùito fama ´ntela region e anca fora.

Mentre lori i prosperava ´ntela nova vita come viticoltori, Marco e Isabella i se impegnava anca ´ntela vita de la comunità locae. Lori i aiutava a organisar feste e celebrassioni religiose, ndove la gente se trovava par far festa e selebrar la vendémia e el santo patrono.

Con el passar dei ani, la vita dei Rinaldo in Argentina la ´ndava sempre mèio, e no se resumia pì solo al lavor duro ´ntela vinìcola. Lori i gavea anca la possibilità de godere de la richessa culturale del posto, partissipando ai festival locai. La diversità culturae de Mendoza la zera notevole, na mescolanza de nasionalità che i ghe fa sentirse parte de na grande comunità globae.

Inte la zona de Mendoza, lori i poteva anca goder del perìodo de la vendémia, con tanta fruta fresca a disposissione par tuti. Le risorse naturai del posto le era riche, e anca la càssia la zera na atività assessibile, con tanti osei e animai selvadeghi.

Con i ani, Marco e Isabella lori i gavè oto fiòi che i cresseva in quel ambiente idìlico, imparando l’arte de la viticoltura dai genitori. La famèia Rinaldo la ga costruì na vita rica, pròspera e felice in Argentina, contornà da paesagi meravigliosi e da na comunità acogliente.

E cussì la finisce sta stòria de coràio, decision e sussesso, che la scominssià con el viàio de Marco e Isabella Rinaldo verso na nova vita in Argentina e la creasione de na pròspera vinìcola soto le pendice de le maestose montagne dei Andes. La numerosa discendensa de la famèia Rinaldo, la continua ancora ancò la tradission vinìcola taliana, producendo vini che i ze stimà no solo ´ntela region, ma anca esportà in altre parte del mondo. La so epopea la ze testimónio de la riserca del sònio e de la capassità de costruir na vita miliore in un altro paese.

La Zornada dei Fradèi Morette: Italiani che i ga Vinto a San Paolo

 

La Zornada dei Fradèi Morette: 

Italiani che i ga Vinto a San Paolo

Intel 1878, verso la fin del sèculo XIX, inte na pìcola vila de le pianure de Mantova, in Lombardia, Itàlia, i fradèi Giuseppe e Angelo Morette i passava i so zorni a aiutar i zenitori a coltivar la picolina proprietà rural de la famèia. La vita, anca se tranquila, no la dava segnali de portar miglioramento ´ntele condission finansiare de quei pòveri contadin. Anca se el pare el fusse proprietàrio de quel tereno pìcolo, eredità dai so antenati, e anca se i fusse in situassion mèio de tanti altri abitanti del posto, no i zera imuni a quel che stava sussedendo in tuta l’Itàlia, soratuto dopo l’unificassion del paese in un regno ùnico. La levassi contìnua dei pressi dei prodoti che i ghe voleva comprar, spinti da na inflassion crónica, insieme a la creassion de nove tasse e, soratuto, la forte concorensa con i grani importà, i rendeva insostenibile continuar quel laoro in agricoltura, zà considerà sensa futuro par i pìcoli produtori. Le frustrassion dopo le racolte, par via dei cambiamenti del clima, i agravava la situassion anca ´nteia campi de la Lombardia. Tanti altri produtori rurai, anca pì afortunà de lori, i gaveva zà vendù le so proprietà e i zera partì in emigrassion par altri paesi, sia quei visin de l’Itàlia che, soratuto, par la lontana Amèrica. El desidèrio de miliorar la vita, de scapar da quela mancansa de prospetive e l’anelo de aventura i zera scriti ´ntei so cuori. Intel 1893, spinti da le stòrie de sussesso in Brasil contà con emossion ´ntele lètare che le rivava dai emigranti, Giuseppe, che l’era el fradèl pì vècio, e Angelo, el pì novo, lori i ga deciso de ‘mbarcarse in na zornada insserta. Con la benedission dei genitori, i ga lassà la so famèia, sperando che la promessa de quele tere lontane e oportunità le ghe ricompensasse. Ai genitori i ga assicurà che, na volta sistemà in Brasil, i ghe mandaria schei par i bilieti par lori venir a trovarli. 

Dopo un longo viàio, pien de trambusti, che l’ha durà un mese, lori i ze rivà ´ntel interno de lo stato de San Paolo, ndove i ga scomenssià la vita in na tera foresta. Pian pian, con tenassità, lori i ga costruo le so vite in solo brasilian. Con i pochi schei che el pare ghe gaveva dà, Giuseppe el se ga aventurà ´ntel comèrssio local, verzando na pìcola botega par vender sechi e moià, che la ze diventà na referénssia in sità. Pì tarde, el ga anca investìo in na matonaria, fabricando matoni e tègole par sodisfar i bisogni de na sità che la cresseva sempre. Angelo, invesse, el ga vardà na oportunità ´nte la creassion e slevamento de porsèi, che el ingrassava e vendeva a na fàbrica de salami e sonza de na sità visina. Le so atività le ga contribuìo tanto par el sgrandimento de l’economia local. Dopo sinque ani, come che i gaveva promesso, i ga mandà schei ai genitori, che dopo i ze vegnù a star in Brasil. Intel 1913, Giuseppe, oramai sposà e pare de sei fiòi, el ga deciso de far un viàio de ritorno in Itàlia par incontrar parenti e amici che i viveva ancora là. Purtropo, la so vìsita la ze stà coincisa con l’inisio de la Prima Guera Mundial, e el ze stà recrutà, lassando la so famèia e el so comèrssio. El ga podù tornar in Brasil solo intel 1919, ndove el ze stà ricevù con gioia da la moglie e dai fiòi, includendo el so sètimo fiol, che par sto motivo el se ciamava Settimo, che el gaveva ancora da conosser.

Ntei ani dopo, Giuseppe el ga fato pì viài in Itàlia, na dei quali insieme al fiol pì vècio Attilio, che lu el ze restà in penìnsola par tre ani, assorbendo la cultura dei so antenati. Purtropo, in del 1930, na tragèdia la ga colpìo la famèia Morette, quando Angelo el ze morto presto, lassando la so mòie e sete fiòi. La famèia la se ga unìo par superar la dificoltà, mantenendo la eredità de laoro duro e perseveransa lassà da Angelo. Incòi, i dissendenti dei fradei Giuseppe e Angelo Morette i ze sparsi in vàrie sità dei stati de San Paolo e Paraná, mantenendo vive le tradission e le stòrie dei so antepassà italiani, che i ga lassà el so segno ´ntela stòria de la region.