La Zornada dei Imigrante Italiani ´ntel Rio Grande do Sul
Sfide e Resiliensa
Dopo de rivà ´ntel Porto de Rio de Janeiro, i emigranti italiani sani i vegnia mandà a la ¨Hospedaria de la Ilha das Flores¨. Sto posto servia come punto de triagem par vardar le condission de salute dei emigranti. Se no ghe gera stòria de epidemie durante la traversia del Atlàntico, i emigranti i vegniva liberà in pochi zorni. Però, se ghe zera segni de malatie contagiose, la quarantena la se prolungava, essendo un processo rigoroso e controlà da le autorità sanitàrie de quela època.
Dopo la liberassion, i emigranti lori i scominsiava ´na altra parte del viaio, imbarcando su navi pì pìcole, a vapor, che i ndava lungo la costa fin al sud del Brasile. Par chi che zera destinà al Rio Grande do Sul, el percorso includeva fermade ´ntel Porto de Paranaguá, Rio Grande, Pelotas. Da questo posto dopo qualche settimana, imbarcava de novo adesso em vaporeti fluviale, atraversando la grande Lagoa dos Patos, passando fin a Porto Alegre e seguindo avanti Questi barchi, de fondo basso e a vapor, i navigava sui fiumi Caí o Jacuí, portando i coloni a le diverse colònie italiane fondà ´ntela provìnsia.
Par chi zera destinà a la Colónia Caxias, el percorso sul fiume Caí el durava circa 12 ore fin al Porto Guimarães, più tardi nominà São Sebastião do Caí. I emigranti che ndava verso le colònie de Dona Isabel (adesso Bento Gonçalves) e Conde D’Eu (adesso Garibaldi) i passava a Montenegro, fermandose dopo sirca sete ore de viaio.
Quei migranti che ndava verso la Colónia Silveira Martins lori i dovea far el percorso sul fiume Jacuí fin a la sità de Rio Pardo. Da lì, el viaio el zera ancora pî duro: la salita de la sera la voleva viaio a piè o su carosse tirà da bo, taiando sentieri in meso a la mata vèrgine.
´Na olta arrivà a le colònie, i emigranti i zera ospità in baracon coletivi, semplice, rusteghe ndove i stava fin che ghe zera la division dei lote de tera. El governo brasilian el dava strumenti bàsichi come zape, falci, manare e sementi, oltre a ´na aiuta finanssiera inisiale. Ma quelo che i ghe trovava zera ´na grande àrea de foresta da disboscar par podar coltivar e costruir le case.
I primi zorni su la nova tera i zera segnà dal taio dei àrbole e la netìssia del teren con el fogo, un laor che voleva na grande forsa fìsica. Con le senare de la foresta brusà come fertilsante, i coloni i seminava i primi grani, dipendendo de la natura par la soravivensa imediata. El magnar zera composto da alimenti bàsici dati dal governo, integrà con prodoti trovà ´ntela foresta, come pignon, fruti e qualche cassa.
La costruzione de strade e sentieri i zera essensial par integrar le colònie. In regime de mutiron, i coloni i laorava par vèrder le lìnie e i traverson, ricevendo pagamento dal governo in forma de sconto sui costi de le tere. Sti strade no solo conetava le comunità, ma anca simbolisava el spìrito de solidarietà tra le famèie italiane.
Nonostante le dificoltà, el laor duro e la solidarietà i gavea permesso ai emigranti de transformar le colònie in comunità pròspere. Ogni casa costruida, ogni campo coltivà e ogni strada verza zera testimoni de la forsa e de la resistensa dei pionieri che i gavea contribuì a formar l’identità culturae del Rio Grande do Sul.
