Emigrassion Italiana Un Fenómeno de Grandi Proporsioni

 

Emigrassion Italiana Un Fenómeno de Grandi Proporsioni

Tra el 1876 e el 1900, se verificò un dei pì grandi esódi conosù. La ze stada la grande emigrassion in masa dei italiani, quande pì de sinque milioni de òmeni, done e puteleti i ga lassà la pàtria in serca de un laoro e de na vita pì dignitosa par le so famèie.

In quel tempo el destino de sta multitùdine de italiani la zera orientà par el Brasile, Argentina e Stati Uniti. Certi altri paesi i ga rissevesto anca lori, ma in nùmaro molto inferior.

Fin a quei ani, in Itàlia se conosea già da tempo l’emigrassion stagionale, con lavoradori che i ndava via a pié par paesi visini con l’inverno, par poi tornar a casa. Ghe zera anca l’emigrasson ‘golondrina’ dei contadini, che i se trasferiva par pòchi mesi a paesi lontani, come l’Argentina, par la stagion de la racolta, par poi tornar a casa con i risparmi. Sto tipo de emigrassion no zera definitiva: lori i tornava apena podesi, e magari lori i comprava un tereno o inissiava un novo laoro in so paese.

Ze importante ricordarse de l’emigrassion dei bàlie, come el caso de le done de la provìnssia de Belun che i se disperdeva par tuta l´Itàlia e anca ´ntei paesi vissini, come in Austria, a servir le famèie riche par alatar i lori fiòi.

La carateristica comun de tuto sto tipo de emigrasszion la ze sempre stà la so temporaneità: finìo el contrato, tuti lori i tornava a casa con i so risparmi. Al inìsio del’emigrassion de masa, lori i partiva soli, scomensiando con i òmini; e dopo tanti ani, dopo aver se sistemà mèio, lori i ga ciamà la famèia. I scàpoli lori ga ciamà par farse trovar una dona in so paese natale. Le done se sposava per procura e lore i partiva par incontrar e conosser i so mari, lontani.

I primi a partir par no tornar indrio lori vivea ´nte le zone più póvare, con la fame ormai intolerabile. I primi a partir i ze stà sopratuto quei che i viveva su le montagne vénete e ´nte le tere poare del meridione italiano. In Véneto, la ancora ressente anessassion al Regno d’Itàlia la ga agravà la situassion dei contadini. L’unificassion d’Itàlia la ze costà caro ai pì pòvari e sbandonà. La desnutrission la zera largamente difusa in tuto el regno, e nel nord ghe zera anca la pelagra, na malatia grave per la misèria de una dieta a base solo de poenta, senza proteine.

Tra el 1900 e el 1914, se stimò che l’emigrassion italiana tocase le seicento mile persone a l’ano, con famèie intiere che partiva par no tornar pì. Con l’inissio dela Prima Guera Mondiale, sto fenómemo se redusse, fino a novanta mile persone a l’ano tra il 1915 e il 1918. Passà sta fase, l'emigrassion la riprende de novo par aumentàr.

Tra el 1921 e el 1924 i Stati Uniti el ga istituito le quote par ogni paese d’emigrassion, e dopo la crise del 1928, in quel gran paese, l’emigrassion zeva quasi fermà. Anca el Brasile ga instituì restrisioni: i analfabeti no i zera pì benvegnù, e lori sercava operài e lavoradori par la sità e l’indùstria.

Durante el perìodo fascista, l’emigrassion la ga tegnudo un altro corso. Anche con la polìtica contro l’emigrassion, in Itàlia continuava a partir una mèdia de cento novanta mile italiani a l’ano. De sti ani ze anca nota l’emigrassion ‘guidà’ o ‘dirigesta’, con lavoradori selesionà, a i pì fedeli sostegnitori del regime mandà in Amèrica Latina, incluso el Brasile, in comunità con forte presenssa italiana.

El goerno italiano favoriva sto movimento par mandar in Brasile na popolassion de professionisti, operatori e artisiani, formadi par creare le basi del fascismo in loco. Ntele colónie italiane del Rio Grande do Sul e in tante altre sità, i fasci italiani i zera ben radicai e conteava con un grande nùmaro de sostenitori.

Sto fenómeno el ze vegnù fora anca a San Paolo e in altri stati co forte presenssa italiana come a Santa Catarina. In quel època i era comum véder eventi, desfiles, e incontri par date patriote italiane, con la zente vestì in uniformi neri in omagio a Mussolini. Se vedea anca putéi vestì con l´uniforme negro e bereti neri, ciamai i balila.