I Schei
In tuto el Vèneto, con el tèrmine "schei", se intende da ani i soldi, fin d i tempi che el Lombardo-Vèneto el zera soto el domìnio austrìaco. In quei tempi, i zera in giro le lire taliane e anca la moneta austrìaca, che la ga rimpiassà el "zechino", che el zera la moneta de la Serenìsima Repùblica Vèneta.
El centèsimo de la lira taliana se ciamea "centesimin", e quel austrìaco, che valea un fià manco, el se ciamea "scheo". 'Sto termine el ze nassùo parchè sui centèsimi austrìaci i gavea scrito "Scheidemünze".
Con la fadiga de dir 'sta bruta paròla forèsta, i vèneti i lesèa solo l'inìsio, cioè "schei" par el plurale e "scheo" par el singular.
Da 'sto momento, el termine el ze restà in lèngoa vèneta par ciamar i danari.
