Piantassion de Cafè el Sònio Amaro
El viàio el ze stà longo e infiancante. La vècia imbarcassion con che i lori ga vignesto da l’Itàlia fin al Brasile la ndava su e zo con le grande onde, intanto che i Buonarotti lori i tegnea viva la speransa drento ai soi cuori. Francesco e Amàlia, tuti e do con trent’ani, lori i ga in man i so tre fioi – Alessandro, Tranquilo, e la picina Giuseppina. A canto loro, el patriarca Tranquilo, el pare de Francesco, védovo e con altri fiòi anca lori oramai emigrài, ndai in Stati Uniti, el varda l’orisonte con òci stanchi, pensando al passato e con paura de el futuro.
Tuti lori i ga sbarcà al porto de Santos sora un sol forte che parea de dismanciar i sòni de chi ga rivà. Le promesse che i agenti de emigrassion italiani che i ga contà prima de partir, le parea lontane e ormai intangibili. In treno, lori i ze incaminà verso lo interior de São Paulo, ´ntel distrito de Ribeirão Preto, alora in quei ani, na pìcola vila del munissípio de São Simão, ndove lori i ga scominssiar na nova tapa de la so vita. Francesco el se sentiva na méscola de paura e determinassion, pensando cossa che i ghe aspetea. La nostalgia de la so tera nàtia la se mescolava con el desidèrio de costruir qualcosa de suo.
La grande proprietà Pica Pau, dove lori i ze sta assunti par laorar, la zera imponente, con filari senza fine de piante de cafè da pèrder a vista de i òci. Francesco, lu el ze abituà ai campi fèrtili de l’Emilia Romagna, el savea che el laor lu el ze duro, ma no se ga mia spetà de trovar in Brasile condissioni così dure. Le case ndove lori i ga messi, na volta le ze stà sistemà i schiavi lori adesso pena liberà, le ze modeste, male tenùe, e le ga ancora drento l’olor de la soferensa de chi ga stà prima.
Amàlia, na dona con spìrito forte, la varda i so fiòi con na tristessa ben nascosta. Lei savea che i sfide ghe saria tanti, ma lei la ga decisa a proteger la so famèia a tuti i costi. Con quel po’ de risparmi che lori i ga missi via con tanto sacrifìssio, lei la sperava un zorno de poderse comprar na sua tera. Ma la realtà che i ghe trovà gera dura e spietada.
El primo ano ´tela piantassion el ga segnà da un laor sensa fine e disumano. Francesco e Amàlia, insieme a altre famèie de emigranti, lori i se sveiava prima del sorger el sol e i tornava indrio solo a sera tarde, oramai note, con le man rovinate e i corpi strachi. La racolta del cafè la ze fata tuto a man, e ogni gran racolto el rapresentea un picinin passo verso el sònio che i ghe ga portà fin qua. Ma el sudor versà ´ntei campi no zera mia bastante par cancelar i dèbiti con el paron che i se ga amucià.
Tranquilo, el pare de Francesco, lu el sentiva el peso de l’età e de la responsabilità d’aver portà la so famèia fin qua. El ghe dava na man come podèa, ma le so forse ormai ghe mancava. No obstante, el no se lamentea; el savea che ogni sacrifìcio zera necessàrio par assicurar un futuro mèio ai so nepoti.
El secondo ano el ghe portò altre dificultà. I campi de cafè, che prima parea prometar fortuna, i se rivelava problemi. Le malatie, le sicità e le pestilenze i zera nemici contìnui. El paron, un omo duro e senza pietà, el ghe domandava sempre de più da chi laorava, in cambio de quel po’ che zera necessàrio par farli sopraviver e continuar a laorar.
Le sere le ze momenti de riflession e paura. Francesco e Amàlia i parlea piano, proietando cossa far par risparmiar e scampar da quela situassion. Lori i savea che el contrato de laoro no ghe dava alcun dirito su la tera, ma lori i ze decisi a meter via ogni soldo par, un zorno, conquistar la libertà che tanto i lori bramava. I lori fiòi, benché ancora pìcoli, i ghe dava na man come podèa, e la picina Giuseppina, con solo do ani, parea già capir la pesantessa de la responsabilità che cadeva su la so famèia.
El terso ano el zera ancor pi duro. Le speranse scominciava a sparir, sostituìe da na resignassion silensiosa. Amàlia, che ga sempre stà na dona otimista, lei sentiva la tristessa penetrar drento ´ntel so cor. Ma no obstante le aversità, la paura no zera ´ntel vocabolàrio de i Buonarotti. Lori i zera zente forte, e savea che el futuro dipendeva da la so capacità de resistar ai colpi de la vita.
Quando che el quarto ano el ze finì, Francesco e Amàlia lori i feci na valutassion de la situassion. Lori i ze riuscìi a risparmiar abastansa par comprar na pìcola proprietà ntela vila di Santa Rita do Passa Quatro, na citadina che la ze nassesta vicina a la grande propietà ndove lori i ze vivesto per quatro ani. La dessision de lassar la grande piantassion Pica Pau la zera difìcile, ma lori i savea che restar là volea dir restar incatenài a un ciclo de povertà e suditansa.
La transission a la vita fora da la proprietà rural la ze stà dura. Il pìcolo tereno che lori i ga comprà la ghe domandava ancor pi sacrifici, ma par la prima volta lori i se sentiva paroni, che i laorava par lori. Dopo tanto tempo adesso finalmente lori i ze lìberi. Francesco el scominssiò a sercar laoro ´ntei pìcoli opifici che naséa in quel posto, e Amàlia, con la so coràio e agilità manuale, la se mise a far sachi de iuta, aprofitando el gran quantità de quel materiale ´ntela vila. L’idea de slevar na pìcola fàbrica la ga scominssià a creare vita ´ntel so sarvel.
Nei ani sucessivi, la famèia Buonarotti laorò duro sensa sosta par far diventar la so pìcola atività cualcosa de pi sostansiale. Tranquilo, ormai par debilità da l’età, el no ga rinunssià a partissipar con la so sagassità e speriensa. Sora la so guida, Francesco e Amàlia lori i ga imparà a farse strada tra i ostacoli de sta nova tera e sta nova cultura.
Santa Rita do Passa Quatro la ze cressesto pian pian, e con el avanso de la sità, la pìcola fàbrica de sachi de iuta de i Buonarotti la ga scominssià a prosperar. El sucesso che tanto lori spetea el scominssiò finalmente a se concretisar, e par la prima volta dopo tanti ani, lori i se sentia che l’emigrassion verso el Brasile la ze stà na dessision giusta. Ma el camin fin qua el ze stà pien de sacrifissi, de dolori e de delusioni.
Giuseppina, ormai na toseta de quindese ani, la ghe dava na gran man in fàbrica con na abilità incredìbile. Alessandro e Tranquilo, adesso do bei tosati, lori i ga mostrà el stesso spìrito laorador de i so genitori. La famèia, con el comune pensier, la ga trasformà el sònio amaro che i ghe portà traversar el oceano in na realtà pi dolse.
No obstante el sucesso, la nostalgia de su paese ndove lori i ze nassesto ´ntel ’Itàlia no ghe i lassava mai. Francesco e Amàlia, ´ntele sere pi calme, lori i se ricordea ancora de le coline de Castelnuovo Rangone, de soi parenti e amissi che i ga lassà là. Ma adesso, vardando i so fiòi, lori i vardea el futuro che tuti i do i ga costruìo, un futuro che, nonostante tuti i sacrîfici, el giustificava ogni làgrema versada, ogni grano de cafè racolto, ogni erba cavada con le so man.
E così, ´ntei campi de cafè, dove na volta el sònio el zera amaro, la famèia Buonarotti la ghe trovò la forsa de ricominssiar. La nova vita, costruìda con sudor e determinassion, la ze na dimostrassion de coràio de chi no ga mai gavè paura de le sfide e che, anca lontan da la so tera natia, i ga riuscì a meter radisi in tera straniera.
