Fin de 'l Sècolo XIX - Perìodo de Povertà Granda in Itàlia
In Itàlia a la fin del sècolo XIX, la misèria e 'l fame i zera presentà in miàia de famèie, dal nord al sud de la penìnsula. Segundo la "Investigassion Agrària Jacini", che la parlava del mondo agrìcolo italian, la ga dito:
"Ne i vali de le Alpi e de i Apenini, ne le pianure del sud de Itàlia e anca in qualche provìnsia pì ben coltivada del nord, ghe ze catà 'sti casoti ndove, in una stansa 'nfumegà, sensa ària e sensa lume, i vive inseme omo, capre, porchi e gali. E 'sti casoti i se conta forse in sentenare de miàia per tuto el Paese."
Sempre ne l'istessa investigassion agrària Jacini ghe se trova anca 'sto raconto:
"La stala ze la parte principale de la casa del contadino picinin; ze anca el posto par el bestiame, el salon e el santoàrio de la famèia. Ze nte la stala che lori passa i lunghi inverni; ze là che la dona de casa la ciama parenti e amici; ze là che la famèia laora, se diverte, magna e dorme. Mentre le done le cusìa, le ramendàa e giràa el fuso, i òmeni i se meteva a zugar a carte o a contar stòrie"
Ancora dai raconti de 'sta investigassion:
"El consumo essessivo e quasi esclusivo de polenta, con na mèdia de 33 chili per persona l'ano, qualche volta anca de pì ´ntele provìnsie del nord, portava spesso a la pelagra, che la zera conossuda come malatia dei '3 D': dermatite, diarrea e demènsia. El pì grande ospedal dei pelagrosi in Itàlia el zera a Mogliano Veneto, in provìnsia de Treviso."
De novo par 'sta investigassion de l'època:
"Xe tanto dura la vita ´nte la pianura padana e ´nte la zona de la pedemontana vèneta e lombarda che, nei posti con i vigneti, i piceni contadini i ghe mete el vin a 'sta dieta poara, fata de polenta sensa gusto tuti i giorni. Par darghe un poco de gusto, ogni membro de la fameja ghe passava ‘na volta sora un toco de arenche affumegà. ‘El vin fa sangue,’ i diseva. Secòndo la "Revista Vèneta de Scienze Mèdiche", sitada da Eduardo Pittalis nel so libro "Dale Tre Venéssie al Nordest", fra i sècoli XIX e XX, in una ricerca su dodose mila studenti de elementari in provìnsia, solo tre mila no beve, cinquemila beve robe alte de gradassion alcòlica e nove mìa beve de continuo vin, con el meso che ne abusava."
La povertà, negli ùltimi desseni del sècolo XIX, la ze tanta, spiega Marco Porcella nel libro "La fatica e la Mèrica", che una gran fonte de guadagno par le famèie de contadini zera el sacrifìssio de le done (le bàlie) par crescer i orfani al posto del stato. Spiega:
"I zera òrfani, fiòli quasi sempre ilegìtimi, che no mancava mai ne le grandi sità, abandonà ne le "Rode" (degli orfanatèi). Nei paesi picini, ndove no ghe zera "Rode" dei orfanatèi, i putéi i zera abandonà sui scalini de le cese, sui porti de i pàroci o anca in man de le ostetriche. Tanti de lori i zera denutriti, infredolì, e qualche volta nati prematuri, i muriva ntei primi zorni. In perìodo sensa epidemie, ghe se calculava una mortalità infantil del 33%. Nte le sità, la maior parte de lori i zera abandonà parchè se credeva che 'el fiol de la colpa' portasse malatie a le bàlie e dunque ai so fiòi, tipo la sifìlide, diagnosticà come causa de morte. Dopo un ano, el 'fiol de late' diventava 'fiol de pan' e el podèa vegner su fino a dodese ani, dopodiché el ospedale se ne disinteressava."
Nei racconti del mèdico Luigi Alpago Novello, che laorava tra i picini agricoltori in provìnsia de Treviso, a la metà del sécolo XIX, el ze descrito come, par famèie poare, ze paragonata l’importanza de i membri maladi rispeto ai animali che ghe davea sostegno. El dotore disi:
"I membri de na famèia i ze valorà par quel che i podea far de ben par tuto el grupo. La morte de chi no pol laorar, o de chi ze malato e restà sempre in leto, ze meno importante de un animale grande, no dirò una vaca o un boe, ma anca solo na pecora o na capra. Se un boe se ga amalà, la famèia la ze disperà e core dal veterinàrio – se ze gratis – o da un curador, e i fa tuto quel che el disi. Tanti i va anca tanto distante par portar el veterinàrio par 'l vitel che no ga la voia de magnar'. Invese i làssia che i putéi i vaga a mal e i muri sensa ciamar 'l dotore, e tante volte no i segue gnanca quel che el ghe ordinà."
I progresi de la medicina e le campagne de igiene par tuto el Véneto, sopratuto durante la dominassion austrìaca, i ga fato sì che in 1911 l’età mèdia de morte la ze aumentà da solo sei ani e meso a trenta ani. Però, la mortalità infantìl restava altìsima. Sempre in 1911, i putéi soto i sinque ani i rapresentava el 38% de tuti i morti.
